Kukës – Një 46-vjeçar është arrestuar nga policia në Kukës pasi ka penguar mbarëvajtjen e një takimi elektoral të kandidatit të koalicionit “Aleanca për Shqipërinë Evropian”, për Bashkinë Kukës, Hasan Halilaj.
Incidenti ka ndodhur dje rreth orës 18:30, ku G.A., banues në Durrës, duke drejtuar mjetin e tij në gjendje të dehur ka penguar takimin e Halilajt me banorë të zonës Shtiqën, thuhet në komunikatën e Policisë së Qarkut Kukës.
Arrestimi i 46-vjeçari u bë disa orë më pas (23:30), ndërsa materialet i kaluan Prokurorisë Rrethit Gjyqësor Kukës për veprat penale ”Drejtimi i mjetit në mënyrë të parregullt”, “Prishjes së qetësisë publike” dhe “Pengimit të subjekteve për zgjedhjet në organet përfaqësuese”.
