Po zhvillohet këtë pasdite tryeza “Publiku në vendimmarrjen e Kuvendit”. Tryeza është hapur nga kreu i Kuvendit, Ilir Meta, i cili po prezanton projektin për vendimmarrjen e publikut. Në fjalën e tij, Meta ka thënë se do të ketë lehtësim procedurash për pjesëmarrjen e publikut. Sipas tij, publiku është monitorues dhe kontrollues. “Lehtësim procedurash për pjesëmarrjen e publikut. Pjesëmarrja e publikut në Kuvend ndikon në mënyrë direkte në vendimmarrje. Publiku është monitorues dhe kontrollues. Kuvendi duhet të jetë gjithnjë e më shumë përfshirës. Faqja zyrtare, transparencë nga Kuvendi. Aty publikohen gjithë informacionet e nevojshme të seancave plenare”, ka thënë kryeparlamentari Meta.
