Vetëm pak ditë më parë, ministrit të Drejtësisë, Ylli
Manjani, iu mbyll llogaria në Twitter, që mesa duket ka qenë një sulm nga
hakerat. Manjani reagoi duke thënë: “Mund t’i mbyllin profilin, por nuk i heqin
dot të drejtën e fjalës së lirë”, ndërsa ditën e djeshme një video me titullin:
“Mesazh i Anonymus për qeverinë shqiptare” është ngarkuar në Youtube. Në
mesazhin pas të cilit qëndrojnë hakera shqiptarë, kritikohet qeveria shqiptare
si e inkriminuar dhe që ka tradhtuar popullin për përfitime personale. Nuk
dihet, nëse hakerat shqiptarë pas videos janë pjesë ‘zyrtare’ e grupit të
famshëm botëror “Anonymus”. Kjo nuk është hera e parë që ata japin mesazh
lidhur me Shqipërinë. Rreth një vit më parë, po i njëjti profil në Youtube, ka
kërkuar ribashkimin e trojeve shqiptare.