Deputetët e opozitës kanë dalë në protestë të flasin këtë herë si qytetarë të thjeshtë, pa mandatin e deputetit.
Të gjithë deputetët janë shprehur se mandatet e tyre janë të shqiptarëve që sot ndodhen në protestë dhe se ashtu si të gjithë protestuesit edhe ata ndodhen në shesh për të rrëzuar atë që kryetari i PDIU-së e quajti diktatura ‘mavijë’ e Edi Ramës!
Shpëtim Idrizi, kryetar i PDIU: Ai parlament është mbyllur sot pikërisht nga ju shqiptarët që doni të jetoni të lumtur në Shqipëri.
Jam sot këtu për ti thënë dallkaukut të përparimit hapi rrugë shqiptarëve dhe zgjedhjeve të lira, sepse shqiptarët do ta marrin fatin në dorë. Sot ka ardhur dita të ikësh ti sepse ndryshme shqiptarët, demokratët janë të gatshëm siç larguan diktaturën do bëjnë çdo ditë 20 shkurtin për ti sjellë liri shqipërisë. O 99-ç hapi rrugë demokracisë.”
Ervin Salianji, deputet i PD: Ne më datë 16 dëgjuam zërin tuaj, zërin e votuesve, sot mandti jonë i takon qytetarëve, ju takon juve… fitore.
Deputetja e LSI-së Nora Malaj: Ne duam që fëmijët tanë të jetojmë të lirë, i duam atje në parlamentin e shqiptarëve.
Gent Strazimiri, deputet i PD: Pqërshëndetje njerëz të lirë, si sot 28 vjet më parë, Gramoz Ruci bëri veprimin e parë si Ministër i telave me gjemba të diktaturës. Sot pas 28 vitesh ai rrethon me tela me gjemba parlamentin sepse ka frikë nga populli. Vëllezër e motra, fëmijët që kanë lindur si sot e 28 vjet, sot janë bërë prindër dhe kanë mundësinë të bëjnë dika.
Kejdi Mehmetaj, deputete e LSI: Mandati im është i shqiptarëve, përpara ta bëjmë të lirë Shqipërinë tonë!
Valentina Duka: Të dashur shqiptarë, të dashur demokratë, të dashur korçarë! Jemi përpjekur me të gjitha mënyrat t’ju përfaqësonim në parlamentin shqiptar, por ky parlament nuk ishte ai që ju meritoni. Prandaj mandati jonë është i juaji për një Shqipëri më të prosperuar dhe më evropiane.
