Kur kanë kaluar 20 ditë nga plagosja me armë zjarri në lagjen “1 Nëntori” të qytetit të Elbasanit, policia ka vënë në pranga autorin e dyshuar për ngjarjen.
Në pranga është vënë shtetasi Juxhino Seferi, 22 vjec, pasi më datën 23.04.2018, në rrugën e “Konvikteve”, në lagjen “1 Nëntori”, Elbasan, ka plagosur me armë zjarri shtetasin Xhulio Rusta dhe më pas është larguar me një automjet.
Sakaq, policia ka ndaluar edhe një shtetas tjetër si përkrahës i autorit të krimit.
INFORMACIONI I POLICISE
Në vijim të punës për kapjen dhe ndalimin e personave në kërkim për vepra të ndryshme penale, nga Specialistët për Hetimin e Krimit në Komisariatin e Policisë Elbasan, u bë kapja dhe ndalimi i shtetasit:
Juxhino Seferi, 22 vjec, banues në Elbasan, i dyshuar për veprën penale “Vrasje me paramendim” e kryer në bashkëpunim e mbetur në tentativë dhe “Prodhimi dhe mbajtja pa leje e armëve luftarake”.
Ky shtetas dyshohet se më datën 23.04.2018, në rrugën e “Konvikteve”, në lagjen “1 Nëntori”, Elbasan, ka plagosur me armë zjarri shtetasin Xhulio Rusta dhe më pas është larguar me një automjet.
Gjithashtu në vijim të veprimeve për dokumentimin e plotë të kësaj ngjarje, u bë kapja dhe ndalimi edhe i shtetasit:
Mattia Ajazi, 23 vjeç, banues në Elbasan, i dyshuar për veprën penale “Përkrahja e autorit të krimit”.
Materialet i kaluan Prokurorisë së Rrethit Gjyqësor Elbasanpër veprime të mëtejshme.