Federata Sindikale e Bujqësisë, Ushqimit, Tregtisë dhe Turizmit, jep fakte për abuzimet e kryetarit të KSSH-së Kolë Nikollaj
Sipas kryetarit të Federatës së Sindikatave të Bujqësisë, Ushqimit, Tregtisë dhe Turizmit, Nebi Sulejmani, ardhja e Kol Nikollës në krye të Konfederatës së Sindikatave të Shqipërisë ka qenë një skandal i vërtetë dhe një fatkeqësi për lëvizjen sindikaliste. Është pikërisht Kolë Nikollaj që ka shkatërruar dhe prishi krejt demokracinë e brendshme e Konfederatës. Zoti Sulejmani shprehet për “Telegraf”, se, pas ardhjes se zotit Nikolla, nuk janë bërë më transparente edhe të ardhurat. Sipas tij, abuzimet e zotit Nikolla janë mjaft të rënda janë shumë fakte që e dëshmojnë këtë dhe që meritojnë të bëhen publike për të parë fytyrën e vërtetë të këtij pseudosindikalisti.
-Zoti Sulejmani, ju jeni shprehur se kreu i KSSH Kol Nikollaj ka abuzuar me postin që ka. A mund të na thoni, ku janë shkeljet sipas jush?
-Së pari dua të them se që nga koha që zoti Kol Nikollaj ka marrë drejtimin e Konfederatës në 2004, u mendua që do të kishte një zhvillim pozitiv, por nuk ndodhi kjo që pritej. Pas ardhjes së tij filloi të zbehej demokracia e brendshme në Konfederatë, filloi që të dëgjohej vetëm uni i zotit Nikollaj. Po ashtu nuk zhvilloheshin sipas statutit takimet dhe veprimtaritë që ishin të parashikuara dhe që duheshin bërë. Në lidhje me të ardhurat që siguronte konfederata nga pronat e saj ligjore sipas ligjit nuk bëhet në mënyrë absolute asnjë lloj transparence. Që nga viti 2008 nuk është bërë asnjë lloj analize as për bazën as për rrethet. Ajo që e dëmtoi më shumë është dhe manovra që ai filloi të bëjë për lëvizjen e njerëzve që kishin dalë në pension, gjë që sipas ligjit ishte në kundërshtim. Këtu ka filluar konflikti i madh me disa drejtues të sindikatave si të arsimit, të mbrojtjes etj. Është një problem parimor, unë e kam konsideruar një problem tepër të rëndë që në të vërtetë ka shkatërruar lëvizjen sindikaliste në vend. Askush nuk mund t’i bësojë këtij njeriu dhe ta ndjekë atë.
-A ka sindikata të tjera nga informacionet që keni që kanë pakënaqësi ndaj kreut të KSSH-së?
-Unë mendoj që nga 11 federata themeluese, 8 prej tyre kanë dalë me një thirrje ndaj Kol Nikollës për shkeljet që ka bërë. Këto i janë bërë me dije edhe ministrit të punës dhe kryeministrit. Pra kjo është një shkelje e statutit të Konfederatës. Një fakt tjetër që tregon se ai ka shkelur ligjin e Konfederatës, është se ai është munduar që të krijojë federata që për fatin e keq gjykata i ka njohur në kundërshtim me ligjin. Pasi në kodin e punës thuhet: që për të krijuar një sindikatë duhen të pakën dy tre organizata, që të krijohet një federatë duhen dy tre sindikata të njohura juridikisht. Pra, Kola ka spekuluar me krijimin e sindikatave të tilla që nuk mund të krijohen sipas ligjit. Por ai ka njohur 18 sindikata të tilla në kundërshtim me ligjin.
– Ju keni bërë dhe një kërkesë që i keni dërguar zotit Nikolla, çfarë qëllimi kishit?
– Kjo është një kërkesë që unë në emër të federatës që përfaqësoj i kam dërguar K. Nikollës dhe gjithë kolegëve të tjerë të federatave por edhe të zgjedhurve të tjerë në rrethe dhe po thuaj gjithë administratës të KSSH, duke parë shkelje të rënda të bëra para e pas kongresit (kam parasysh para dhe pas kongresit nga i cili burojnë të gjitha pushtetet në KSSH), për këtë kërkesë nuk ka pasur asnjë reagim nga K.Nikollaj sepse nga pjesa e të “zgjedhurve” në rrethe nuk mund ta mendosh që të ketë, ky ka qenë një denoncim që i është bërë asaj maskarade që ka bërë Kol Nikollaj para dhe pas Kongresit pasi të gjitha vendimet e marra para kongresit kanë qenë anti-statutore që rrjedhimisht bëjnë të tilla dhe vendimet e kongresit. Dhe ajo që është tronditëse ka të bëjë me mashtrimin që i ka bërë gjykatës për numrin e delegatëve që ishte vendosur nga Këshilli Drejtues i KSSH si organi kompetent sipas statutit, pikërisht Kol Nikollaj këtë e ndryshon duke marre mbi vete përgjegjësi të mëdha por dhe shpërdoron detyrën për interesa personale, nga 547 në 345 kjo për të vetmen arsye për të siguruar numrin e delegatëve pra për të legjitimuar në gjykatë vendimet e Kongresit sepse në të kundërt gjykata nuk do ja pranonte.
Anëtare themeluese e konfederatës së sindikatave të Shqipërisë
Tiranë më 11.08.2012
Lënda: Propozim për zhvillimin e kongresit të jashtëzakonshëm të KSSH.
Drejtuar kolegëve: Xhafer Dobrushi, Riza Bengasi, Zija Hasanaj, Hajdar Kanani, Taf Koleci, Ylli Ballta, Minella Mano, Neriana Zaimi, Qerim Ismeni, Festim Shehaj.
Gjithë të zgjedhurve në rrethe.
Presidentit të KSSH z.Kol Nikollaj.
Për dijeni gjithë punëmarrësve sindikalistë ose jo.
Nga Nebi Sulejmani kryetar i FSBUTT.
Të nderuar kolegë!
Duke ju uruar shëndet dhe suksese në punën tuaj të përditshme, njëkohësisht ju kërkoj ndjesë për këto probleme shumë të rëndësishme e të përbashkëta që do ju paraqes në këtë material, pasi jeni duke kaluar me pushime. Kanë kaluar gati 3 vjet nga zhvillimi i Kongresit të IV të KSSH, kongres i cili ka e kthyer KSSH në një organizatë ku dikton z.Kol Nikollaj. Të gjithë e dimë se si është zhvilluar ai kongres pasi ka patur shumë debat. Këtë kongres z. Nikollaj ka nxituar ta regjistrojë në gjykatën e Tiranës, (këtë e kam informacion jo zyrtar), duke kryer nje veprim të ulët si drejtues i një organizate të madhe si KSSH , ai ka deklaruar para gjykatës, duke marrë kështu përgjegjësi mbi vete, se në kongres kanë marrë pjesë 345 delegatë, por në KD të KSSH në korrik 2009 në kemi vendosur që ne kongres do të marrin pjesë 547 delegatë, këtë numër me këmbënguljen e tij, dhe kishte të drejtë pasi e detyronte statuti neni 10 pika 2 ku për 200 anëtare zgjidhej 1 delegat (547=109.400 anëtarë), dhe po të kemi parasysh që KSSH, edhe ai vetë si përfaqësuesi i saj, raportonte në Min. Punës apo media , por edhe në organizmat ndërkombëtare si ILO, Konfederatë e Sindikatave Eurpiane etj ,se kishte 110.000 anëtarë, por edhe për të bërë një kongres madhështor, (pasi sipas tij e kërkonte situata politike e asaj kohe ) me gjithë kundërshtitë që ju bënë nga shumë pjesëmarrës në atë mbledhje,për shkak të gjendjes jo të mirë financiare që kishte KSSH. Unë i them z.Kol Nikollaj se ku e gjeti këtë të drejtë, që ka lënë pa u përfaqësuar në atë kongres mbi 40.000 anëtarë. Në atë kongres janë marrë vendime që janë në kundërshtim me statutet, e KSSH dhe Federatave. Kjo për arsye se nuk kanë qenë të pranishëm për fillimin dhe zhvillimin e punimeve të mbi 2/3 e delegatëve. Neni 10 pika 2 statutit thotë ”…Kongresi i fillon dhe i zhvillon punimet kur janë te pranishëm jo me pak se 2/3 e delegatëve”, dhe 2/3 e 547 janë 366, pikërisht këtë kuorum z. Nikollaj nuk mund ta siguronte në atë moment kur do të bënte regjistrimin e Kongresit në gjykatë, dhe gjykata pa këtë kuorum nuk mund t’ja pranonte kërkesën e tij, prandaj i është dashur të ndryshonte vendimin e KD për numrin e delegatëve nga 547 ne 345 , që pa dyshim e ngarkon me përgjegjësi të madhe morale , statutore dhe ligjore, e deligjitimon atë si të zgjedhur dhe të gjitha vendimet e tjera të marra në atë kongres. A mund të pranohet kjo ?!Unë mendoj jo, sepse do të ishte shumë e rënde për të gjithë ne, si të zgjedhur në përputhje me statutet tona, por jo si z, Kol Nikollaj. Nga ai kongres burojnë të gjitha problemet qe ka sot KSSH, sepse atje diktohet e nuk drejtohet, atje nuk ka demokraci (ju ftoj të lexoni rregulloren mbi organizimin dhe funksionimin e asamblesë së përgjithshme), atje ka të punësuar e jo të zgjedhur,atje shpërdorohet , abuzohet e shkatërrohet, nuk ndërtohet sepse, askush nga Ju nuk di se sa janë të ardhurat e se si shpenzohen ato. Duke i qëndruar korrekt detyrës që kam, duke ndjere përgjegjësi përpara anëtarëve të Federatës që unë përfaqësoj, duke respektuar marrëveshjen që ne kemi bërë së bashku 8 Federatat dt.14.06.2010 dhe qëllimin e saj. Duke parë gjendjen e rëndë të krijuar ne KSSH, ku është shkelur liria e organizimit sindikal, pavarësia e federative dhe trajtohen në mënyra kriminale pronat e sindikatave pa më të voglën transparencë, duke lënë pa financuar 2/3 e federatave themeluese dhe bashkëpronare të pronave të KSSH. Duke parë qëndrimin indiferent dhe mospërfillës të z.Kol Nikollaj ndaj kërkesave verbale dhe me shkrim të FSBUTT dhe kërkesave që së bashku i kemi bërë atij, të mbështetura në statutet e Federatave, KSSH por edhe në ligj për ndryshimin e gjendjes në KSSH, duke e konsideruar dhe vlerësuar të rëndë atë. Si federata anëtare themeluese të KSSH, kërkoj nga Ju dhe propozoj , mbështetur në statutin e KSSH si dhe ne statutet e Federatave, për të ndryshuar gjendjen e rëndë në KSSH që :
1-Të zhvillohet urgjentisht mbledhja e Komitetit Ekzekutiv(Presidenca Ekzekutive).
( nëse Kol Nikollaj nuk do i përgjigjet kësaj kërkese, ta thërrasim në këtë mbledhje, në të cilin të vendoset data për thirrjen e Kongresit te KSSH ).
2- Të thirret mbledhja e Këshillit drejtues të KSSH, (Asambleja e Përgjithshme).
( nëse Kol Nikollaj nuk do i përgjigjet kërkesës dhe vendimit të Komitetit Ekzekutiv(PE) ne bëjmë shumicën në KD(AP) ta mbledhim ne, ( ne të cilin do të marrin pjesë anëtarët legjitim sipas statutit KSSH).
3- Të zhvillojmë kongresin e KSSH, sipas statutit te KSSH dhe te Federatave.
Për këtë kërkoj angazhimin e secilit që e vlerëson të drejtë këtë qëndrimin, mendoj që deri ne 10 shtator të kemi bërë mbledhjen e KE dhe deri në fund të shtatorit të kemi mbledhur KD. Të nderuar kolegë, mendoj se ne kemi detyrim moral, si qytetarë, si sindikalistë, si drejtues si të zgjedhur, të mos lejojmë që një njeri të shpërdoroje, abuzojë, shfrytëzojë e ta shkatërroje KSSH, atë për të cilën të gjithë ne kemi investuar aq shumë, ka një detyrim që buron nga marrëveshja e përbashkët e 8 Federatave, e cila në thelb ka mbrojtjen Federatave e KSSH .Ne kemi detyrim ligjor si të zgjedhur, që të gjitha shkeljet statutore dhe financiare , ti denoncojmë ato publikishit si të papajtueshme me moralin dhe misionin e sindikatës e të sindikalistit. Të dashur kolegë! Sot KSSH dhe gjithë anëtarësia e saj janë në ditën më të keqe që nga themelimi i saj 21 vjet më parë. Është përgjegjësia dhe detyra jonë ta shpëtojmë atë. Ne duhet të kryejmë detyrën që na është besuar, të pajtohesh me këtë gjendje dhe me këto abuzime do të thotë që nuk kë ideale të sindikalizmit pra nuk je sindikalist dhe për rrjedhojë ne duhet të dorëhiqemi që të gjithë, ose duhet të pranojmë se edhe ne punojmë si z.Kol Nikollaj në Federatat tona. Këtë unë nuk e pranoj. Jam i bindur se do të gjej mbështetjen e të gjithë sindikalistëve të zgjedhur ose jo, tuajën si drejtues Federatash dhe kolegëve të zgjedhur në rrethe, shpresoj të gjej dhe mirëkuptimin edhe të Presidentit të KSSH z. Kol Nikollajt dhe ftoj, të na sfidojë nëse mendon se ka të drejtë dhe pretendon se mbron interesat e KSSH, sepse edhe unë nuk mbroj interesat e askujt, por dua të mbroj vetëm Konfederatën e Sindikatave të Shqipërisë.