Ka shkuar në 8 numri i të vdekurve nga shpërthimi pranë një kopshti në Kinë.
Shpërthimi ndodhi pranë derës në fshatin Fengxian të provincës lindore Jiangsu të Kinës.
Dy persona gjetën vdekjen menjëherë ndërsa 6 të tjetër humbën jetën në spital. Policia e ka cilësuar shpërthimin, sulm kriminal ndërsa ka në shënjestër të dyshuarin, raporton Agjencia e lajmeve zyrtare kineze Xinhua.
Flitet për 65 persona të plagosur mes të cilëve 8 janë në gjëndje kritike për jetën.
Mes viktimave nuk kishte fëmijë apo mësues të kopshtit.
Tashmë kanë nisur hetimet dhe po punohet për të zbardhur gjithë dinamikën e ngjarjes dhe autorët e këtij krimi të rëndë.