‘Gloria’ shkaktoi katër viktima, mbërrin dhe në Francë

135

Që prej dy ditësh shteti spanjoll po përjeton një situatë vërtetë tmerruese. Një stuhi e fuqishme e quajtur ‘Gloria’ ka përfshirë pjesën më të madhe të Spanjës Lindore ku shkaktoi vdekjen e së paku katër personave.

Rajonet përreth Valencias dhe Ishujve Balearik u goditën më së keqi, me përmbytje të mëdha dhe erëra të forta.

Rreth 30 provinca në Spanjë u vunë në gjendje të gatishmërisë.

Autoritetet kanë raportuar se një person humbi jetën në provincën Avila, pasi u godit nga tjegulla që fluturonin.

Një grua e pastrehë u ngri për vdekje pranë Valencias, një viktimë u regjistrua në rajonin Asturias dhe një në qytetin Moiksent.

Stuhia më vonë lëvizi në jug të Francës, ku mediat lokale cituan parashikues të motit duke thënë se ajo është më e keqja në rajon që nga viti 1982.

Spanja dhe Franca u goditën nga përmbytje të mëdha edhe në tetor të vitit të kaluar.