Mëngjesin e kësaj të diele e gjithë verilindja u mbulua nga reshje të dendura dëbore.
Megjithatë edhe pse me intensitet të lartë, në Kukës reshjet e dëborës nuk krijuan problem në akset kryesore.
Tek Rruga e Kombit, por edhe të gjitha akset e tjera rrugore qarkullohet pa zinxhirë, raporton klan. Ndërsa mjetet borëpastruese janë vënë në gatishmëri për të ndërhyrë në çdo rast nëse do të ketë situata problematike.
Edhe në fshatrat e thella malore të rajonit verilindor nuk ka probleme. Energjia elektrike nuk ka munguar dhe furnizimi me ujë të pijshëm është i rregullt.
