LAZARAT – Pas Gate Mahmutaj dhe djalit Vandamit, tashmë në pranga të policisë, ka rënë edhe bashkëshortja e tij, Natasha Mahmutaj. Policia e shtetit në një deklaratë për mediat, pas sulmit të dhunshëm ndaj 3 oficerëve të policisë ditën e djeshme në Lazarat, theksoi se në mesin e personave të arrestuar, të akuzuar për sulme, është edhe bashkëshortja e Gates.
Sipas policisë, Marjana, së bashku me 8 persona të tjerë kanë nxitur dhe sulmuar bashkë me nxënësit e shkollës “Muhamet Gjollesha” në Lazarat, oficerët e policisë, me mjete të forta, ku këta të fundit mbetën të plagosur jashtë rrezikut për jetën. Policia e Shtetit ka nënvizuar se bashkëshortja e Gates është autore edhe sulmeve me armë ndaj RENEA-s në vitin 1998, githashtu edhe sulmeve në aksionin e qershorit të këtij viti.
“Pas hetimeve të kryera u bë arrestimi Çaush Koçiu, Altin Bejko, Agron Boçi, Burim Toti,Marjana Mahmutaj, bashkëshorjta e Gate, një nga personat që ka sulmuar me armë RENEAN në vitin 1998, dhe një nga personat që ka sulmuar me armë policinë këtë vit. Këta shtetas kanë nxitur nxënësit dhe së bashku me ta kanë qëlluar me mjete të forta ndaj forcave të policisë.”
Deklarata e plotë e Policisë së Shtetit
Në lidhje me ngjarjen e ndodhur më datën 08.10.2014 në qendër të fshatit Lazarat ku një grup nxënësish dhe disa banorë të fshatit Lazarat kanë sulmuar me sende të forta punonjësit e policisë që kryenin shërbim në këtë fshat, pas veprimeve të shpejta profesionale dhe hetimore të kryera nga Specialistët për Krimet e Rënda në Drejtorinë e Policisë së Qarkut, u bë arrestimi në flagrancë i shtetasve:
- Çaush Koçiu, vjeç 21, banues në Lazarat, Gjirokastër.
- Altin Bejko, vjeç 40, banues në Lazarat, Gjirokastër.
- Elton Gërveshi, vjeç 37, banues në Lazarat Gjirokastër.
- Marjana Mahmutaj, vjeç 45, banuese në Lazarat, Gjirokastër.
- Natasha Mahmutaj, vjeç 40, banuese në Lazarat, bashkëshortja e Gate Mahmutaj. Kjo shtetase është e evidentuar si një nga pjestarët e grupit që kanë sulmuar me armë forcat e Reparit Renea në vitin 1998 ku mbetën të plagosur 8 efektivë të policisë, si dhe është e evidentuar përsëri si një nga pjestaret e grupit që kundërshtuan me armë forcat e policisë gjatë operacionit antikanabis të zhvilluar në muajin Qershor në Lazarat.
- Arnold Boci, vjec 19, banues në Lazarat, Gjirokastër.
- Gurim Toti, vjec 20, banues në Lazarat, Gjirokastër.
- Kanan (Adnand Cako), vjec 25, banues në Lazarat, Gjirokastër.
Arrestimi i tyre u bë pasi më datën 08.10.2014, rreth orës 13:30, në Lazarat, Gjirokastër, këta shtetas kanë nxitur nxënësit e shkollës Muhamet Gjollesha në Lazarat dhe së bashku me ta kanë sulmuar dhe goditur me sende të forta punonjësit e policisë në detyrë dhe kanë dëmtuar automjetet e policisë.
Njëkohësisht është arrestuar në flagrancë Iliaz Buci, vjeç 48, nga Lazarati, pasi ka kundërshtuar me dhunë forcat e policisë gjatë kontrollit në pikën e kontrollit të ngritur në Kordhocë nga ana e Efektivave të Drejtorisë së Policisë së Qarkut Gjirokastër.
Në lidhje me pretendimin e ngritur nga Z.Bejko në një nga mediat audiovizive se punonjësit e policisë që kryejnë shërbim në këtë fshat kanë kryer veprime të pahijshme, sqarojmë opinionin publik se:
Asnjë banor i fshatit Lazarat nuk ka bërë kallëzim në Drejtorinë e Policisë së Qarkut Gjirokastër për veprime të tilla .
Këto disinformacione dashakeqe, kanë për qëllim zbehjen e punës së mirë që po bën Policia e Shtetit në Komunën e Lazaratit për të garantuar rendin dhe sigurinë publike si dhe për të mos lejuar kthimin e bandave kriminale që vepronin deri para pak kohësh në këtë fshat.
Edhe një herë, Policia e Shtetit ju bën thirrje prindërve të nxënësve të përfshirë në këtë ngjarje që të mbajnë fëmijët nën kontroll dhe të distancohen nga këto veprimeve antiligjore, pasi persona me precedent kriminal që u është cënuar dhe goditur interesi dhe veprimtaria e tyre kriminale po i përdorin nxënësit për qëllimet e tyre kriminale.
I bëjmë thirrje dhe kërkojmë bashkëpunimin e Drejtorisë Arsimore Rajonale për verifikimin e integritetit të stafit pedagogjik të kësaj shkolle, pasi Policia e Shtetit disponon informacione se disa prej mësuesëve të kësaj shkolle janë nxitës të këtyre veprimeve.
Garantojmë banorët e ndershëm të fshatit Lazarat se Policia e Shtetit do të jetë përherë prezente në këtë fshat dhe në cdo cep të teritorit të vendit me qëllim garantimin e rendit dhe sigurisë ashtu si edhe goditjen pa kompromis të veprimtarisë kriminale të cdo fushe e kudo që ajo do shfaqet
Gjithashtu i bëjmë me dije komunitetit të Lazaratit dhe qytetarëve të ndershëm se Policia e Shtetit është e vendosur te ndëshkojë dhe të vërë përpara pergjegjësisë ligjore çdo individ, ose grup individësh, që nxisin dhe organizojnë veprimtari të kundraligjëshme.
Njëkohësisht ju kujtojmë se ligji vepron njëlloj edhe ndaj atyre që nën imunitetin e përfaqësimit politik apo të pushtetit nxisin apo organizojnë veprime kundër ligjit.
