Kur myslimanët në Tiranë falën namazin e Fiter Bajramit, gratë besimtarë të Floqit nuk mundën.
Atyre që tërmeti u shkatërroi shtëpitë e kishin gdhirë natën në çadra dhe në mëngjes nuk kishin ku të merrnin abdes.
“Si fshat e kemi traditë, jemi besimtarë dhe falemi në xhami. Sot nuk vajtëm se nuk kishim mundësi, nuk kishim ku laheshim”.
Aty nën çadrat e ushtrisë konsumuan dhe drekën e festës. Thonë se u sajuan me ato që u kanë sjellë, por ballkavaja të cilën e bënin ditë përpara mungoi.
” Përgatiteshim që ditë përpara, bënim bakllava dhe kulaçe, por nuk bëmë gjë hiç”.
“Na kanë ndihmuar me ushqime dhe guverta, pse të qahemi.”
” Nuk kemi përgatitur gjë, Gëzuar të gjithë!”
Shumica e banorëve janë besimtarë dhe Fiter Bajrami është festë e madhe për ta.
Por muaji i Ramazanit për ta përfundoi me sakrica të shumfishta.
Jeta e tyre është sfiduar nga shembja e shtëpive, por sërish nuk e kanë humbur besimin se mot do të bëhet më mirë.
“Na gjetë të gëzuar së bashku!”
