Si t’harrosh vajzën, që dikur e ke dashur?!
Apo një plak të moçëm, të urtë?!
Një nënë, që ankohej për të birin?!
Dhe atë që plagosi duart?!
Si t’harrosh atë që lyp në trotuar, mendueshëm?!
Dhe një mësues që, bimë ka dalë e shet?!
Si t’harrosh atë hamallin e dikurshëm
që sot jeton i vetëm në qytet?!
Si të harrosh një refugjat, që del në port
dhe që s’ka lekë të paguaj biletën?!
Një nënë të vetmuar, që”Mirëmëngjes!”, kush s’i thotë?!
Dhe një mjek, që të ka shpëtuar jetën?!
Si ta harrosh…….. si ta harrosh?!
