Brengën e deha në një gotë!
Hodha aty plot derte dhe gaz,
po e kthej me një frymë
le të notojë sot ky maraz.
Le të mbyten dhe xhindet aty,
që avadanë më ngritnë mua.
E në delir në më ç’ofshin
shkofshim bashkë, mish e thua.
E në më marrshin për të çmëndur
e të më sikterisin andej tej
do t‘i shpartalloj dhe ligjet
e zotohem të të gjej.
E brenga ime e pasosur
këmbëkryq le të sheshohet.
Në mos gjeç udhë për t‘u kthyer
le të flerë, më mos zgjohet.
