Do të luhen në fundjavë ndeshjet e vlefshme për javën e 31 në Abissnet Superiore.
Kampionati është futur në një fazë të nxehtë, ku skuadrat luftojnë me të gjitha forcat për objektivat.
Pesë ndeshjet e kësaj jave janë ndarë në dy ditë. Bylisi pret në shtëpi Laçin, ndeshje që do të startojë në orën 15:00. Ndërkohë 3 orë më vonë, në “Niko Dovana” të Durrësit do të luhet sfida mes Erzenit dhe Partizanit.
Të dielën, në orën 15:00, Tirana pret në “Elbasan Arena” Kastriotin, ndërsa në të njëjtin orar Kukësi përballet me Teutën.
Java e 31 mbyllet me sfidën mes Egnatias dhe Vllaznisë, dy skuadra që objektiv kanë Europën.
