Kuqezinjtë kanë marrë një barazim me Ishujt Faroe në Air Albania, duke ruajtur vendin e parë në grupin E dhe duke u kualifikuar për “EURO 2024”, kompeticion që do të mbahet në Gjermani.
Ndeshja ishte e ngadaltë dhe me pak raste, por Shqipëria ka një arsye të madhe për të festuar dhe ky është kualifikimi për herë të dytë në histori, në Kampionatin Europian.
Në vendin e dytë në grupin E është renditur Republika Çeke, e cila e siguroi kualifikimin pas fitores 3-0 me Moldavinë. Polonia, Moldavia dhe Ishujt Faroe mbeten jashtë kompeticionit.
Në rrugët e Shqipërisë ka festë pas kësaj arritje historike.
