Kombëtarja shqiptare e futbollit ka barazuar me shifrat 1-1 në miqësoren me Arabinë Saudite.
Ndeshja në Abu Dabi u luajt në terr të plotë informativ pasi ajo nuk është transmetuar dhe nuk ka pasur media në stadium që të raportojnë për të.
Arabia Saudite realizoi me penallti në minutën e 42-të me anë të Saleh El Shehrit, duke e mbyllur pjesën e parë në avantazh.
Shqipëria barazoi me anë të Bekim Balajt në minutën e 48-të, pas një kombinimi me Odise Roshin, që të dy të aktivizuar në pjesën e dytë nga trajneri Edi Reja.
