TRAINERI/ Sopoti u ngjit në Kategorinë e Parë, Rrahman Hallçi shprehet kritik për situatën
Agron KAJA
Kampionati kombëtar në Kategorinë e Parë për sezonin 2025-2026 përfundoi javën e kaluar. Veç dukurive të tjera, në mbyllje të tij zbritën 4 skuadra, dhe po kaq u ngjitën : 2 direkt dhe 2 të tjera nga Play-off. Një nga këto skuadra që u ngjit nga ndeshjet Play-off , është edhe Sopoti i Librazhdit, skuadër që vite më parë ka luajtur edhe në Superioren shqiptare. Një sukses ky për librazhdasit që erdhi pas 12 viteve, ku mes tyre ka pjesë edhe trajneri Rrahman Hallaçi. Ai ka fituar kampionat, kupë e Superkupa si futbollist, por suksesi që arriti me Sopotin si trajner është po aq madhështor, për të mos thënë shumë më i vështirë. Mes emocioneve të tij për këtë sukses, Hallaçi tregoi dje për gazetën “Telegraf” se Sopoti meritonte të ishte kampion në këtë sezon. “Fillimisht ne ishim për vëndin e parë në grupin tonë, por rruga na u vështirësua pasi lamë edhe disa pikë rrugës. Edhe pse kundërshtarët ishin të mobilizuar, ne realitetin e pranuam dhe ishim të vendosur për objektivin pas tre finaleve, sidomos ajo me Luftëtarin, ku ndryshimet në rreshtim dhe rrezikshmëria në portën kundërshtare na dhanë suksesin. Ne dominuam fizikisht dhe shpërdoruam raste loje, por e korrigjuam. Gjithsesi, si kampionat u zhvillua me garë të fortë, sepse edhe Besëlidhja ishte kundërshtar e rival i denjë, po ashtu ishte edhe Shiroka. Rivaliteti ynë ishte me Besëlidhjen, me të cilën në dy ndeshje jemi ndarë në barazim. Por duke i uruar sukses lezhjanëve, jemi krenarë që ne do jemi aty së bashku në sezonin tjetër”, kështu e nisi dje analizën e tij trajneri i Sopotit, Rrahman Hallaçi, tashmë të ngjitur në Kategorinë e Parë. Në këtë kategori u ngjitën katër skuadra nga Kategoria e Dytë, dhe po kaq zbritën nga e Para, dhe për këtë situatë, tekniku Hallaçi mendon se gara do ketë më shumë ritëm. “Të shikojmë si do shkojnë ngjarjet pas vendimit të FSHF-së për dy skuadrat ballshiote. Ndërkohë që katër skuadrat e tjera që erdhën nga Kategoria e Dytë do ta bëjnë më të fortë garën. Aty ka edhe shumë lojtarë të Superiores dhe ne do marrim masat tona me një merkato të kujdesshme. Gjithsesi është ende herët, sepse duhet të presim deri në mbyllje të Play-out-it, ku do jenë dy sfida të forta. Për të ardhmen do flasim me drejtuesit”, ishte kjo analiza e trajnerit të Sopotit, Rrahman Hallaçi.
Kupa e 74-ët e Shqipërisë
Egnatia-Dinamo, finalja e shpresës për në Europë
Egnatia dhe Dinamo rikthejnë “betejën e madhe” për Kupën e Shqipërisë, finalja e cila për edicionin 2025/2026 sjell një përballje me emocione, fotokopje e sezonit të kaluar. Finalja e madhe do të luhet më 13 maj, në stadiumin modern “Air Albania”, duke nisur nga ora 19:00, në një atmosferë që pritet të jetë e ndezur. Kjo edhe për faktin se kampionati i Superiores përfundoi në fundjavë dhe të dyja këto skuadra e vlerësojnë trofeun si pedanë për të luajtur në Europë. Fituesi i Kupës së Shqipërisë mund të luajë direkt në turin e dytë të Ligës së Konferencës. Në aspektin historik, Dinamo mbetet një nga klubet e suksesshme të këtij e kompeticioni me 14 trofe të fituar, ndërsa Egnatia ka shkruar historinë me 2 Kupa të fituara. Kjo përballje nuk është e panjohur për dy ekipet, pasi në sezonin e kaluar Dinamo arriti të fitojë ndaj Egnatias në finalen e Kupës, ashtu edhe në Superkupën e Shqipërisë, duke krijuar histori rivaliteti që tani rikthehet në finalen më të madhe të kompeticionit. Një trofe, dy skuadra dhe një finale që meriton respekt dhe emocione.
FINALJA FINALISTËT SI FITUES
E mërkurë, 13 maj 2026 Skuadra Fituese
Egnatia-Dinamo C 19:00 Dinamo 14 herë
(Luhet në Air Albania”) Egnatia 2 herë
FITUES TË KUPËS
Tirana 16 herë
Partizani 15 herë
Dinamo 14 herë
Vllaznia 8 herë
Teuta 4 herë
Flamurtari 4 herë
Besa 2 herë
Laçi 2 herë
Kukësi 2 herë
Elbasani 2 herë
Egnatia 2 herë
Apolonia 1 herë
Skënderbeu 1 herë
Pogradeci-Besa 1-0, sfida e “skuqur” me kartonë
Në ndeshjen e djeshme të Play-off-it, Pogradeci-Besa 1-0, u përcaktua skuadra që do ndeshet me Teutën e renditur në vëndin e 8-të të Superiores. Liqenorët ia dolën me golin e vetëm të shënuar në shtesën e dytë, ndërsa kavajasit gabuan në disa raste shënimi, pasi iu krijuan mundësi për golin. Kartoni i parë i kuq për Neton e Besës e bëri më të lehtë fitoren e Pogradecit, të cilën e mbrojti deri në mbylljen e ndeshjes. Një sfidë edhe me tension, e skuqur me 3 kartonë të kuq.
KATEGORIA E PARË
SEZONI 2025-2026
Ndeshjet Play-off
E enjte, 7 maj 2026
Pogradeci-Kastrioti 3-0
Iliria-Besa 0-2
Ndeshja Finale
E hënë, 11 maj 2026
Pogradeci-Besa 1-0
(Pogradeci ndeshet me Teutën)
Ndeshjet Play-out
E shtunë, 9 maj 2026
AF Luftëtari-Sopoti 1-1
(Sopoti fiton me penallti)
Kukësi-Bylis B 1-1
(Bylis B fiton me penallti)
(Sopoti dhe Bylis B ngjiten
në Kategorinë e Parë)
RENDITJA PËRFUNDIMTARE
Skuadrat Nd P
1.Laçi 33 79
2.Skënderbeu 33 77
———————————–
3.Pogradeci 33 68
4.Iliria 33 45
5.Besa 33 39
6.Kastrioti 33 39
———————————–
7.Burreli 33 37
8.Korabi 33 36
———————————–
9.AF Luftëtari 33 34
10.Kukësi 33 31
———————————–
11.Apolonia 33 28
12.Lushnja 33 26
Bylis apo Bylis B, cili do të jetë në Kategorinë e Parë?!
Pas humbjes me shifrat 5-2 në transfertë përballë ekipit të Vorës, Bylis zbriti zyrtarisht në Kategorinë e Parë. Por nuk të jenë të vetmit ballshiotë, sepse ekipi i dytë Bylis B, ia doli të ngjitej në Kategorinë e Parë, falë fitores me penallti përballë Kukësit. Tashmë pritet vendimi zyrtar për këto dy ekipe, pasi rregullorja e parashikon se dy ekipe të të njëjtit klub nuk mundet të luajnë në të njëjtin kampionat. FSHF-ja do përcaktojë ditën dhe orën e zhvillimit të ndeshjes mes ekipeve, ku fituesi duhet të qëndrojë në Kategorinë e Parë të futbollit shqiptar.
