Pas dy ndeshjeve eliminatore, përfaqësuesja jonë kaloi një ëndërr në “pit stop”
Kemi kaluar dy ndeshjet eliminatore të Botërorit 2014 me Islandën e Slloveninë, e tashmë kushdo nga ata shqiptarë që kishte ëndërruar tek Kombëtarja jonë për një sukses në të dyja këto ndeshje, e pa LIVE se kjo ka qenë një ëndërr shqiptare me një shijen më të pakëndshme të aromës italiane të futbollit. Të gjithë kemi pasur të drejtë të ëndërrojmë, njëherësh edhe si shqiptarë të shpresonim se skuadra jonë përfaqësuese të kalonte dy kundërshtarët relativisht të kalueshëm këtu në Shqipëri. Por, më pak skuadra e më shumë trajneri, na nxorën huq. Ndoshta që në fillimin e këtyre radhëve më duhet të them me sinqeritet profesional se kam dyshuar shumë tek performanca e trajnerit të Kombëtares sonë të futbollit në këto dy ndeshje, pa menduar aspak se këto radhë do të jenë një “confronte” me teknikun apo dëshirë për t’u evidentuar si kritik kuqezi. Sepse vetëm duke ju referuar të dyja ndeshjeve: Shqipëri-Islandë 1-2 dhe Shqipëri-Slloveni 1-0, duhet thënë se skuadra jonë paraqiti dy fytyra, pa një bosht dhe pa një vizion të qartë loje, edhe pse tekniku dhe ndonjë lojtar kuqezi pas dështimit me Islandën u justifikuan se tek ne nuk ka lojtarë si Mesi apo Ronaldo! Por, De Biazi gaboi rëndë në këtë justifikim, sepse përballë nuk kishte asnjë Mesi e Ronaldo kundërshtar, por një skuadër të mirëorganizuar taktikisht nga trajneri i tyre Lars Lagerbak, njëherësh edhe futbollistë të fortë e të disiplinuar në fushë. Atë që ai nuk arriti ta bënte me futbollistët e tij. Po tentoj të analizoj në një këndvështrim emrash në fushën e lojës, më parë Islandën e më pas Slloveninë. Me Islandën, De Biazi besoi te Ujkani, Dallku e Lika, lojtarët më pak në formë në skuadrat ku ata luajnë. Gabimet foshnjarake të portierit tonë, mosfunksionimi si duhet i krahut të djathtë të mbrojtjes dhe mesfushës, bëri që De Biazit ti dukeshin irlandezët si katalanas! Nga ana tjetër, zëvendësimet jo në kohë dhe pak efikasë, ndoshta e kanë detyruar mister De Biazin që të justifikojë testin e tij të gabuar, ndërsa sulmi me katër futbollistë tregoi se tekniku ynë nuk di të përzgjedhë në raport me kundërshtarët. Edhe terreni, ishte i rënduar për të dyja skuadrat, por Islanda nuk luajti në terren më të mirë nga ne, që tekniku ynë ta përdorë si argument që ndikoi në humbjen tonë. Gjithsesi, këto ishin disa dukuri që na frenuan me Islandën, përpos fjalëve pas humbjes që në thelb janë “fyçka italiane”, që më së shumti i ndjekim në kronikat rozë në Serie A, e mandej. Po me Slloveninë, që historikisht është një kundërshtar shumë herë më i fortë se Islanda, çfarë na “gatoi” trajneri ynë? Këtë herë fati ishte me De Biazin, sepse futbollistët tanë i treguan atij se me Islandën kishte gabuar për atë formacion që hodhi në fushë, por edhe për atë taktikë që ndoqi për të mposhtur një kundërshtar nën nivelin tonë. Nga ana e saj, Sllovenia u tregua një skuadër nën nivelin e zakonshëm, të paktën e krahasuar me miqësoren e fundit që na mundi 2-0, por më së shumti, sllovenët nuk u përshtatën siç duhej me terrenin e rënduar. Kësisoj kemi kaluar dy eliminatore të rëndësishme për Botërorin 2014 dhe me të drejtë themi se pamë dy fytyra të skuadrës sonë, që mbi të gjitha tregojnë luhatjet teknike të bankinës. Ndaj Sllovenisë ka qenë më shumë atmosfera mediatike, por edhe presioni kuqezi që e uli De Biazin me “këmbë në tokë”, se shyqyr që nuk pamë edhe me Slloveninë huqet e Ujkanit e Dallkut se do të na kishin qeshur edhe Andorra me Ishujt Faroe pastaj. Gjithsesi, referuar rezultateve në këto dy ndeshje, Shqipëria e futbollit i çon një mesazh të hapur teknikut tonë: “Gabove keqazi De Biazi, na hoqe 3 pikë të arta me atë “çorbë” që na servire me Islandën”. Me 6 pikët që kemi grumbulluar, jo se kemi ndonjë shpresë reale për të shkuar në Brazil, por të paktën të shpresojmë të mos “saldohemi” përsëri në vendin e 4-t apo të 5-të në grup. Një shkallë më lart në grup, është një hap pozitiv për Europianin 2016, ku siç dihet se aty do të kualifikohen 24 skuadra. Islanda nuk erdhi nga Katalonja mister De Biazi që të na linte në pit stop, ndërsa Sllovenia nuk është Barcelona që të ekstazoheni se fituam ndaj saj! Kaq kanë dhënë edhe trajnerë të tjerë, ndërsa steka juaj është për më sipër, prandaj edhe e meriton që kuqezinjtë të “ta heqin veshin” kësaj radhe. Kujdes!
KATËR NDESHJET E PARA
1.BOTËRORI 1966
24.05.1964 Holandë-Shqipëri 2-0 Zyber Konçi
25.10.1964 Shqipëri-Holandë 0-2 Zyber Konçi
11.04.1965 Shqipëri-Zvicër 0-2 Zyber Konçi
02.05.1965 Zvicër-Shqipëri 1-0 Zyber Konçi
Bilanci: 0 fitore, 0 barazime, 4 humbje; 0 pikë
2.EURO 1968
08.04.1967 Gjermani-Shqipëri 6-0 Loro Boriçi
14.05.1967 Shqipëri-Jugosllavi 0-2 Loro Boriçi
12.09.1967 Jugosllavi-Shqipëri 4-0 Loro Boriçi
17.12.1967 Shqipëri-Gjermani 0-0 Loro Boriçi
Bilanci: 0 fitore, 1 barazim, 3 humbje; 1 pikë
3.EURO 1972
14.10.1970 Poloni-Shqipëri 3-0 Loro Boriçi
13.12.1970 Turqi-Shqipëri 2-1 Loro Boriçi
17.02.1971 Shqipëri-Gjermani 1-0 Loro Boriçi
12.05.1971 Shqipëri-Poloni 1-1 Loro Boriçi
Bilanci: 0 fitore, 1 barazim, 3 humbje; 1 pikë
4.BOTËRORI 1974
21.06.1972 Finlandë-Shqipëri 1-0 Loro Boriçi
29.10.1972 Rumani-Shqipëri 2-0 Loro Boriçi
08.04.1973 Gjermani-Shqipëri 2-0 Loro Boriçi
06.05.1973 Shqipëri-Rumani 1-4 Myslim Alla
Bilanci: 0 fitore, 0 barazime, 4 humbje; 0 pikë
5.BOTËRORI 1982
03.09.1980 Shqipëri-Finlandë 2-0 Zyber Konçi
19.10.1980 Bullgari-Shqipëri 2-0 Zyber Konçi
15.11.1980 Austri-Shqipëri 5-0 Zyber Konçi
06.12.1980 Shqipëri-Austri 0-1 Zyber Konçi
Bilanci: 1 fitore, 0 barazime, 3 humbje; 3 pikë*
Sipas rregullores, në atë kohë jepeshin 2 pikë për fitoren, por për efekt krahasimi me rregullin e sotëm, e kemi vendosur fitoren me 3 pikë.
6.EURO 1984
22.09.1982 Austri-Shqipëri 5-0 Shyqyri Rreli
27.10.1982 Turqi-Shqipëri 1-0 Shyqyri Rreli
15.12.1982 Shqipëri-Irland.Ver. 0-0 Shyqyri Rreli
30.03.1983 Shqipëri-Gjermani 1-2 Shyqyri Rreli
Bilanci: 0 fitore, 1 barazim, 3 humbje; 1 pikë
7.BOTËRORI 1986
17.10.1984 Belgjikë-Shqipëri 3-1 Shyqyri Rreli
31.10.1984 Poloni-Shqipëri 2-2 Shyqyri Rreli
22.12.1984 Shqipëri-Belgjikë 2-0 Shyqyri Rreli
27.02.1985 Greqi-Shqipëri 2-0 Shyqyri Rreli
Bilanci: 1 fitore, 1 barazim, 2 humbje; 4 pikë
8.EURO 1988
29.04.1986 Austri-Shqipëri 3-0 Agron Sulaj
03.12.1986 Shqipëri-Spanjë 1-2 Agron Sulaj
25.03.1987 Rumani-Shqipëri 5-1 Agron Sulaj
29.04.1987 Shqipëri-Austri 0-1 Agron Sulaj
Bilanci: 0 fitore, 0 barazime, 4 humbje; 0 pikë
9.BOTËRORI 1990
19.10.1988 Poloni-Shqipëri 1-0 Shyqyri Rreli
05.11.1988 Suedi-Shqipëri 1-2 Shyqyri Rreli
08.03.1989 Shqipëri-Angli 0-2 Shyqyri Rreli
26.04.1989 Angli-Shqipëri 5-0 Shyqyri Rreli
Bilanci: 0 fitore, 0 barazime, 4 humbje; 0 pikë
10.EURO 1992
30.05.1990 Islandë-Shqipëri 1-0 Bejkush Birçe
17.11.1990 Shqipëri-Francë 0-1 Bejkush Birçe
19.12.1990 Spanjë-Shqipëri 9-0 Bejkush Birçe
30.03.1990 Francë-Shqipëri 5-0 Bejkush Birçe
Bilanci: 0 fitore, 0 barazime, 4 humbje; 0 pikë
11.BOTËRORI 1994
22.04.1992 Spanjë-Shqipëri 3-0 Bejkush Birçe
26.05.1992 Irlandë-Shqipëri 2-0 Bejkush Birçe
03.06.1992 Shqipëri-Lituani 1-0 Bejkush Birçe
09.09.1992 Irlandë V.-Shqipëri 3-0 Bejkush Birçe
Bilanci: 1 fitore, 0 barazime, 3 humbje; 3 pikë
12.EURO 1996
07.09.1994 Uells-Shqipëri 2-0 Neptun Bajko
16.11.1994 Shqipëri-Gjermani 1-2 Neptun Bajko
14.12.1994 Shqipëri-Gjeorgji 0-1 Neptun Bajko
18.12.1994 Gjermani-Shqipëri 2-1 Neptun Bajko
Bilanci: 0 fitore, 0 barazime, 4 humbje; 0 pikë
13.BOTËRORI 1998
09.10.1996 Shqipëri-Portugali 3-0 Neptun Bajko
09.11.1996 Shqipëri-Armeni 1-1 Neptun Bajko
14.12.1996 Irlandë V.-Shqipëri 2-0 Neptun Bajko
29.03.1997 Shqipëri-Ukrainë* 0-1 Astrit Hafizi
Bilanci: 0 fitore, 1 barazim, 3 humbje; 1 pikë
*U luajt jo në Tiranë, por në Granada të Spanjës
14.EURO 2000
05.09.1998 Gjeorgji-Shqipëri 1-0 Astrit Hafizi
14.10.1998 Norvegji-Shqipëri 2-2 Astrit Hafizi
18.11.1988 Shqipëri-Greqi 0-0 Astrit Hafizi
28.10.1998 Letoni-Shqipëri 0-0 Astrit Hafizi
Bilanci: 0 fitore, 3 barazime, 1 humbje; 3 pikë
15.BOTËRORI 2002
02.09.2000 Finlandë-Shqipëri 2-1 Medin Zhega
11.10.2000 Shqipëri-Greqi 2-0 Medin Zhega
24.03.2001 Gjermani-Shqipëri 2-1 Medin Zhega
28.03.2000 Shqipëri-Angli 1-3 Medin Zhega
Bilanci: 1 fitore, 0 barazime, 3 humbje; 3 pikë
16.EURO 2004
12.10.2002 Shqipëri-Zvicër 1-1 Xhuzepe Dosena
16.10.2002 Rusi-Shqipëri 4-1 Zhuzepe Dosena
29.03.2003 Shqipëri-Rusi 3-1 Hans-P. Brigel
02.04.2003 Irlandë-Shqipëri 0-0 Hans-P. Brigel
Bilanci: 1 fitore, 2 barazime, 1 humbje; 5 pikë
17.BOTËRORI 2006
04.09.2004 Shqipëri-Greqi 2-1 Hans-P. Brigel
08.09.2004 Gjeorgji-Shqipëri 2-0 Hans-P. Brigel
09.10.2004 Shqipëri-Danimarkë 0-2 Hans-P. Brigel
13.10.2004 Kazikstan-Shqipëri 0-1 Hans-P. Brigel
Bilanci: 2 fitore, 0 barazime, 2 humbje; 6 pikë
18.EURO 2008
02.09.2006 Bjellorusi-Shqipëri 2-2 Oto Bariç
06.09.2006 Shqipëri-Danimarkë 0-2 Oto Bariç
11.10.2006 Holandë-Shqipëri 2-1 Oto Bariç
24.03.2007 Shqipëri-Slloveni 0-0 Oto Bariç
Bilanci: 0 fitore, 2 barazime, 2 humbje; 2 pikë
19.BOTËRORI 2010
06.09.2008 Shqipëri-Danimarkë 0-0 Ari Han
10.09.2008 Shqipëri-Maltë 3-0 Ari Han
11.10.2008 Hungari-Shqipëri 2-0 Ari Han
15.10.2008 Portugali-Shqipëri 0-0 Ari Han
Bilanci: 1 fitore, 2 barazime, 1 humbje; 5 pikë
20.EURO 2012
03.09.2010 Rumani-Shqipëri 1-1 Josip Kuzhe
07.09.2010 Shqipëri-Luksemburg 1-0 Josip Kuzhe
08.10.2010 Shqipëri-Bosnjë 1-1 Xhemal Mustedanagiç
12.10.2010 Bjellorusi-Shqipëri 2-0 Xhemal Mustedanagiç
Bilanci: 1 fitore, 2 barazime, 1 humbje; 5 pikë
21.BOTËRORI 2014
07.09.2010 Shqipëri-Qipro 3-1 Xhani De Biazi
11.09.2010 Zvicër-Shqipëri 2-0 Xhani De Biazi
12.10.2010 Shqipëri-Islandë 1-2 Xhani De Biazi
16.10.2010 Shqipëri-Slloveni 1-0 Xhani De Biazi
Bilanci: 2 fitore, 0 barazime, 2 humbje; 6 pikë
