Neymar ka dhënë një intervistë të gjatë për gazetën britanike “Mirror”, duke prekur tema të ndryshme rreth jetës dhe karrierës së tij.
“Dëmtimi është momenti më i keq në karrierën e një sportisti, Kam kaluar dy dëmtime të rënda gjatë dy viteve të fundit, që më kanë mbajtur jashtë fushave të futbollit për 6 muaj. Më mungonte shënimi i golit. Gjithsesi, dëmtimet janë pjesë e karrierës dhe një futbollisti.
Jam një djalë i rezervuar, i mbaj për vete gjërat. Mirëpo arrin një pikë kur ndihem i irrituar, mërzitem, shpërthej dhe nuk komunikoj në mënyrë korrekte. Po përpiqem të përmirësohem në këtë aspekt.
Nuk jam perfekt, kjo është e pamundur për një qenie njerëzore. Kam gabuar disa herë dhe e kam rifituar besimin, edhe pse më është dashur të paguaj një çmim të lartë. Cila është dëshira ime? E thjeshtë, të jem futbollisti më i miri në botë.”
