KATEGORIA E PARË/ Specialisti i futbollit Lulzim Kola mendon se nuk ka skuadra të përcaktuara përfundimisht
Agron Kaja
Javën e kaluar, Kategoria e parë e nisi fazën e tretë me rezultate interesante dhe 12 gola të shënuar. Në këtë javë, veç lëvizjeve në renditje, kishte edhe disa dënime nga Komisioni i Displinës në FSHF, ku bëjnë të veçantën Burreli në Kategorinë e Parë dhe Partizani B në Kategorinë e Dytë, të cilët janë ndëshkuar me nga dy masa displinore. Por këtë ecuri të garës, ish-futbollisti e trajneri matjan Lulzim Kola, e quan si pjesë të kësaj gare, që sipas tij është duke u zhvilluar me nivel të mirë loje. “Me nisjen e fazës së tretë të Kategorisë së Parë, mendoj se u luajtën gjashtë ndeshje me futboll të mirë. Duket se janë ngushtuar përpjekjet e skuadrave, sepse ende ato nuk janë të sigurta vëndet që kanë skuadrat. Të gjitha janë në ritmikën e synimeve, por nuk ka skuadra të përcaktuara përfundimisht dhe të gjitha do shpresojnë më shumë të marrin pikët deri në javën e 33-të. Në ndeshjen Burreli-Korabi, mendoj se në disa momente duhet që arbitri të reflektonte më mirë, kryesisht në pjesën e parë”, kështu e nisi dje bisedën specialisti i futbollit matjan Lulzim Kola, i cili për gazetën “Telegraf” u shpreh më pas se formula e fazës së tretë, në dukje shikohet si e “egër”, dhe kështu do jetë deri në mbyllje. “Të gjitha skuadrat shpresojnë te pikët, dhe me këtë formulë të fazës së tretë që përball skuadrat ku disniveli mes tyre është i dukshëm, mendoj se diferencat do jenë prezente. Por edhe surprizat mund të jenë pjesë e kësaj gare, sepse në të gjithë treguesit, mendoj se këto 23 javë kanë treguar nivel të mirë futboll me pak ndryshim nga Superiorja”. Duke e menduar një garë të fortë dhe me pak ndryshim nga Superiorja, specialisti Kola u shpreh se e tillë do të jetë deri në javën e 33-të të saj. “Kjo fazë e tretë do jetë më e veçantë në lojë, sepse aty skuadrat kanë mundësinë e arritjes së synimeve të tyre. Laçi me Pogradecin dhe AF Luftëtari me Lushnjen do ta kenë më të ndezur luftën në renditje. Do ketë lëvizje të ndryshme në renditje, madje edhe nga fundi i tabelës. Do shohim befasi nisur nga java e 24-ët, e cila në kalendarin e saj ka ndeshje delikate dhe të forta. Ndeshjet e kësaj jave do sjellin edhe ndryshime në tabelën e renditjes. Janë ndeshje shumë delikate dhe të forta”, kështu e komentoi Lulzim Kola ecurinë e garës në Kategorinë e Parë.
LEGJIONARËT
Armando Broja është gati, lajm i mirë për Kombëtaren
Gjatë ditës së djeshme, në portalin e klubit të Bërnlit “Burnley Expres”, një lajm i mirë shkruhej edhe për sulmuesin shqiptar Armando Broja. Në javën e kaluar, trajneri i Burnley, Skot Parker e tha publikisht se Armando Broja kishte probleme fizike dhe se do të qëndronte jashtë fushave për disa javë. Megjithatë, “Burnley Express” i ka bërë një analizë situatës së dëmtimeve në ekip, dhe mes rreshtave shkruhej se: “… Broja dhe Tuanzebe nuk janë në 100% e tyre, por janë dy lojtarët që do të kthehen më shpejt se pjesa tjetër e të dëmtuarve…”. Ky është një lajm i mirë edhe për Kombëtaren shqiptare, pasi kuqezinjtë do të përballen me Poloninë më 26 mars, në kuadër të “play-off” të Botërorit 2026. Dhe sigurisht që, rikthimi në fushë i Brojës do të ishte forcë e shtuar. Gjithsesi, muaji mars tashmë ka trokitur dhe te Kombëtarja janë në pritje duke numëruar ditët dhe orët e përballjes.
Nga kampionati te Kombëtarja, Gjimshiti në start për Poloninë
Gjatë mesjavës që u mbyll, disa nga futbollistët e kombëtares sonë që luajnë me skuadra në Europë, ishin pjesë e ekipeve të tyre në ndeshjet e Ligës së Kampioneve, UEFA Europa Ligë dhe UEFA Konferencë Ligë. Edhe pse nuk ishte në formacion si titullar i Atalantës në përballjen e Ligës së Kampioneve kundër gjermanëve të Borusia Dortmund, mbrojtësi i Kombëtares sonë Berat Gjimshiti u bë pjesë e suksesit nga minuta e 77-të. Trajneri Paladino e hodhi në fushë Gjimshitin për ti dhënë minuta në këmbë, pasi këtë javë në Seria A, bergamaskët luajnë në transfertë ndaj Sasuolos. Në sfidën ndaj Napolit, Gjimshiti u aktivizua nga minuta e 69-të dhe gjëndja e tij nuk dukej plotësisht në formën e duhur. Atalanta renditet në vëndin e 7-të me 45 pikë, e për Gjimshitin, përballja me Sasuolon pritet si konfirmim i formës së tij në prag të ndeshjes me Poloninë më 26 mars.
Fund shkurti e fillim marsi, java e 24-ët luhet në dy ditë
Sot dhe nesër do të luhen ndeshjet e javës së 24-ët të Kategorisë së Parë, në ditën e fundit të muajit shkurt dhe ditën e parë të muajit mars 2026. Të gjitha ndeshjet do të nisin në orën 13:30, ku sot veçohen Korabi-Kastrioti, Apolonia-Pogradeci dhe Lushnja-Laçi. Ndërsa tre ndeshjet e tjera do të luhen të dielën më 1 mars, ku Besa pret Burrelin në Luz, Kukësi do të përballet me Ilirinë dhe Skënderbeu kryesues do të luajnë në transfertë në Gjirokastër ndaj AF Luftëtarit.
2 NDËSHKIME
Në javën e 24-të të Kategorisë së Parë janë dy ndëshkime. Trajneri i Burrelit Samuel Nikaj me 4 ndeshje, KF Burreli paralajmërohet për sjelljen e tifozëve.
10 JAVË
Deri në mbylljen e kampionatit të Kategorisë së Parë, kanë mbetur 10 javë për tu luajtur me 60 ndeshje, në të cilat janë 30 pikë në dispozicion për skuadrat.
KATEGORIA E PARË
SEZONI 2025-2026
Ndeshjet-Java 24
E shtunë, 28 shkurt 2026
Korabi-Kastrioti 13:30
Apolonia-Pogradeci 13:30
Lushnja-KF Laçi 13:30
E dielë, 1 mars 2026
Iliria-Kukësi 13:30
Besa-Burreli 13:30
(Ndeshja luhet në Luz)
AF Luftëtari-Skënderbeu 13:30
RENDITJA
Skuadrat Nd P
1.Skënderbeu 23 54
2.Laçi 23 51
3.Pogradeci 23 46
4.Kastrioti 23 33
5.Iliria 23 32
6.Burreli 23 31
7.Besa 23 25
8.Korabi 23 25
9.Apolonia 23 24
10.Lushnja 23 20
11.AF Luftëtari 23 19
12.Kukësi 23 15
