Gazetari i njohur italian i i sitit “Calciomercato.com” shkruan posaçërisht për gazetën “Telegraf”
Luka Talota, një nga gazetarët edhe drejtuesit e sitit të njohur italian, Calciomercato.com, dha opinionin e tij për katër lojtarët shqiptarë të Serisë A, Lorik Canën (Lacio), Erjon Bogdanin (Siena), Samir Ujkanin (Kievo) dhe Edgar Çanin (Katania), të shkruar posaçërisht për gazetën “Telegraf”
Për Lorik Canën – “Gjërat po shkojnë gjithmonë e më mirë për Lorik Canën, që me lamtumirën e mundshme të Diakites dhe disa dëmtime të shumta tij është bërë njeriu që mund të mbulojë role të ndryshme. Grinta dhe forca nuk i mungojnë: mbërriti në Romë me nofkën “luftëtari”, në fillim zhgënjeu disi, por tani është duke ia arritur pak nga pak ka gjetur rolin e tij brenda grupit. Si mbrojtës jep dhe vlen më shumë, por nga konkurrenca mund të gjejë sërish hapësirë në mesfushë. Megjithatë, mbulimi është i shkurtër, dhe për këtë Lacio është duke punuar në merkato për të sjellë një mesfushor, që të gjithë e prisnin se do të vinte brenda janarit”.
Për Erjon Bogdanin – “Bogdani dukej se do të largohej në janar, me Varezen të interesuar seriozisht për të. Në fund, qëndroi te Siena, edhe pse nuk është një titullar. Megjithatë, e njeh ambientin dhe, sigurisht do ta gjejë mënyrën për të qenë në vëmendje dhe të rikthehet i dobishëm për trajnerin; por kampionati i Sienës është shumë i vështirë”.
Për Samir Ujkanin – “Samir Ujkani u ble nga Kievo, por nuk ka luajtur ende asnjë minutë, me gjithë shitjen e Sorrentinos te Palermo. Dukej se do të ishte titullar, por përkundrazi ende asgjë. Drejtori sportiv Xhovani Sartori ka thënë se, Samiri është një djalë tek i cili besojmë dhe nuk është e rastit që kemi fiksuar të drejtën e blerjes së gjysmës së kartonit të tij. Për Sartorin, është e rëndësishme që Ujkani të tregojë vlerat e tij, çka do të thotë se do t’i japë mundësinë të luajë, përndryshe do të jetë e vështirë”.
Për Edgar Çanin – “Edgar Cani u ble nga Katania, por nuk është titullar. Drejtori sportiv, Serxho Gasparini tha se është një investim për të ardhmen; për atë do të jetë një hakmarrje e bukur, duke parë se Palermo e kishte shkarkuar. Dhe të luash te Katania, skuadra tjetër e Siçilisë, mund të jetë një motiv krenarie.
LEGJIONARËT NË FUNDJAVË
BOGDANI
Sulmuesi shqiptar i Sienës, Erjon Bogdani, qëndroi në bankinë në humbjen 3-0 me Juventusin, kryesuesin e Serisë A. Bogdani është aktivizuar këtë sezon, vetëm në 11 ndeshje (355 minuta në total) duke shënuar 2 gola.
UJKANI
Sërish asnjë minutë për portierin shqiptar, Samir Ujkanin, në humbjen 2-0 të Kievos së tij në transfertën me Sampdorian. Mesfushori kosovar Përparim Hetemaj u aktivizua nga minuta e 46-të për Kievon.
MEHA
Padeborni i fantazistit Alban Meha fitoi 3-1 në transfertë me Zandhauzenin, në ndeshjen e vlefshme për javën e 23-të Bundesligës 2. Mesfushori i Kombëtares sonë luajti deri në minutën e 61-të.
VILA
PAS Janina e dy lojtarëve të Kombëtares sonë, Andi Lila dhe Emiljano Vila barazoi 0-0 në transfertën me Atromitosin, në kampionatin grek. Mesfushori Vila luajti si titullar, ndërsa Lila ishte i pezulluar.
MEMUSHAJ
Leçe, skuadra italiane ku aktivizohet Ledian Memushaj, barazoi 2-2 në transfertë me Virtus Entela, për javën e 24-të të Lega Pro 1, në Itali. Leçe përmbysi dy herë dizavantazhin dhe kryeson kampionatin.
HYKA
Lucerni i Jahmir Hykës pësoi një humbje të turpshme, 4-0, me St.Gallenin, në javën e 21-të të kampionati zviceran. Mesfushori i Kombëtares sonë e nisi takimin si titullar, por u zvëndësua në të 75’ nga Haki Kryeziu.
Besa-Shkumbini 1-1
Kavajasit zhgënjejnë në ndeshjen e parë në shtëpi
Besa dhe Shkumbini ndanë nga një pikë në barazimin 1-1, në ndeshjen e parë në Kavajë, pas ndëshkimit të dhënë më 6 nëntor 2012, që i detyronte kavajasit të luanin në fushë asnjanëse.
Sulmuesi 18-vjeçar, Darlen Bajaziti, realizoi një gol mbresëlënës në minutën e 12-të, me një silurim perfekt nga goditja e lirë, duke i dhënë avantazhin e përkohshëm Besës. Në pjesën e dytë, sulmuesi Vangjel Mile, i cili fitoi edhe penalltinë e një jave më parë, kur Shkumbini triumfoi 1-0 me Tiranën, i dhuroi skuadrës së tij një tjetër 11-metërsh, të shndërruar në gol në nga Emilano Lluca (62’). Pika e marrë nga trajneri i ri i Besës, Përparim Daiu, i dha fund serisë së katër humbjeve rresht. Me pikën e marrë ndaj peqinasve, Besa u ngjit në kuotën e 17 pikëve, ndërkohë që Shkumbini i vendit të 11-të (pozicion që bie direkt nga Superliga) është në atë 16 pikëve.
KATEGORIA E PARË
Partizani synon fitoren me Elbasanin
Partizani dhe Elbasani do të diskutojnë midis tyre, ndeshjen përmbyllëse të javës së 18-të të Kategorisë së Parë. Partizani mbërrin në “Qemal Stafa” (18:00) pas fitores 2-1 me Butrintin në Sarandë, ndërkohë që elbasanllinjtë pas barazimit pa gola me Kamzën. Të kuqtë, për momentin ndodhen në vendin e pestë, me 31 pikë, katër më pak se Mamurrasi i vendit të dytë (35), pozicion që të çon direkt në Kategorinë Superiore. Klubi i kuq bëri të ditur se, femrat do të hyjnë pa bileta, ndërkohë që vazhdon fushata e abonimeve. Tifozët kanë bërë thirrje përmes rrjeteve sociale, për të ardhur sa më shumë tifozë.
Tërbuni mposht 2-0 Kamzën
Kamza humbi 2-0 me Tërbunin e Pukës, në ndeshjen e vlefshme për javën e 18-të të Kategorisë së Parë, takim i luajtur në Laç. Pukjanët fituan me golat e mesfushorit serb Milosh Jedjeviç dhe të Oliver Pepës. Për “djemtë” e Eduard Zhupës, që ndodhen në një konflikt me Bashkinë e Kamzës, kjo ishte humbja e 8-të në 18 ndeshje. Kamza, që sezonin e kaluar luajti në Kategorinë Superiore, ndodhet në vendin e parafundit dhe është favoritja kryesore për të rënë në Kategorinë e Dytë.
KATEGORIA E PARË
Java XVIII
Të shtunën, 23.02.2013
Besëlidhja-Ada 1-0
Lushnja-Butrinti 3-0
Naftëtari-Burreli 2-0
Himara-Dinamo 1-1
Gramshi-Iliria 2-1
Mamurrasi-Pogradeci 4-3
Të dielën, 24.02.2013
Kamza-Tërbuni 0-2
Të hënën, 25.02.2013
Partizani-Elbasani 18:00
RENDITJA
1 Lushnja 18 +20 43
2 Mamurrasi 18 +10 35
3 Pogradeci 18 +6 32
4 Tërbuni 18 +14 31
5 Partizani 17 +1 31
6 Iliria 18 +3 26
7 Dinamo 18 +3 24
8 Burreli 18 -1 23
9 Butrinti 18 -2 23
10 Gramshi 18 -8 23
11 Elbasani 17 -7 19
12 Besëlidhja 18 -4 18
13 Himara 18 -5 17
14 Ada 18 -5 16
15 Kamza 18 -10 16
16 Naftëtari 18 -15 11
FOTO LAJM
Biletat “luajnë” Norvegji-Shqipëri
Prej disa ditësh në shumë qytete të Norvegjisë ka filluar shitja e biletave të ndeshjes Norvegji-Shqipëri, e vlefshme për kualifikueset e Kampionatit Botëror “Brazil 2014”. Takimi do të luhet më, 22 mars 2013, në stadiumin “Ullevaal”.
