Barcelona largoi njërën dorë nga titulli kampion kur të shtunën në mbrëmje humbi sfidën ndaj Malagës duke u shkëputur 4 pikë nga Real Madridi. Pa llogaritur që galaktikët kanë një ndeshje më shumë në dispozicion çka mund ta çojë në 7 diferencen.
Kjo situatë nuk i ka pëlqyer aspak Lionel Messi-t që sipas mediave spanjolle ka dalë me një “listë të zezë” ku përfshihen lojtarët që argjentinasi pretendon se nuk janë në lartësinë e Bracelonës.
Mesi pas ndeshjes i ka kërkuar llogari Luis Enrikes se pse aktivizoi në duelin ndaj Malagës futbollistët Andre Gomes, Jérémy Mathieu dhe Denis Suarez. Ndërkaq, mendohet se ai ka bërë të qartë se në sezonin e ardhshëm nuk do të dëshironte si shokë skuadre Arda Turan, Jérémy Mathieu, Andre Gomes, Lukas Dinje dhe Pako Alkaser.
Por çështja nuk mbyllet këtu, pasi Mesi ka dhënë edhe mendimin e tij se kush duhet të jenë objektivat e klubit në verë. Bernardo Silva dhe Kilian Mbape të Monakos, Hektor Bejerin i Arsenalit, Vinicius Zhunior dhe Ousman Dembele të Borusia Dortmund janë futbollistët që ai do të dëshironte të shihte si shokë skuadre në “Camp Nou”.