E paprecedentë ishte dhuna e basketbollistit Bruno Daliu të Tiranës ditën e djeshme, ndaj gjyqtarit Jurgen Muho, në takimin mes Teutës e Tiranës në pallatin e sportit “Ramazan Njala”.
Pas ndeshjes dhe dhunës së pësuar, gjyqtari Jurgen Muho është transportuar edhe në spital, për të marrë ndihmën e parë si dhe për të kryer analizat. “Panorama Sport” ka siguruar dy foto nga gjendja e arbitrit Muho, ku duket fytyra e tij e nxirë pas grushteve të lojtarit Daliu.