SPECIALE NGA AGRON KAJA
Partizani luan për Europën, Tirana për mbijetesën
HISTORI-BILANC-AKTUALITET
Ndeshjet ekstreme
Ndeshja e parë
Datë 30 mars 1947
Partizani-17 Nandori 8-0
Ndeshja e fundit
Datë 7 dhjetor 2025
Tirana-Partizani 0-2
Bilanci në Superiore
Ndeshje 180
Fitore Partizani 74
Fitore Tirana 49
Barazime 57
Golat 239-195
FC PARTIZANI
Renditet në vëndin e 5-të
me 30 pikë: 8 F, 6 B, 9 H,
Golat 21:28
KF TIRANA
Renditet në vëndin e 8-të
me 21 pikë: 4 F, 9 B, 10 H,
Golat 19:34
Ylli Shehu: Partizanit i duhen tifozët për fitoren e sfidës
Java e 24-t e Superiores luan “derb”-in e kryeqytetit Partizani-Tirana, si do shërbejë ai për Partizanin?
Mendoj se ky “derbi”, së pari do të sjellë shumë tifozeri në stadium. Sepse kemi dy skuadra në rritje, kryesisht gjatë dy muajve të parë të vitit 2026. Partizani po e ngjit renditjen, Tirana po del nga zona e ftohtë e kjo situatë e bën të veçantë kwtë sfidë.
Në këtë “derbi” të 181-të, Partizani është më superior në renditje në raport me Tiranën, do ndikojë kjo në rezultat?
Pjesa kryesore është se nga merkato e janarit, Partizani ka lojë në rritje, ndërsa Tirana ka marrë shumë pikë. Ndërkohë që në rezultat, them se kjo situatë do ketë ndikim te të dyja skuadrat, sepse të dy ekipet duan fitoren në këtë sfidë.
Sa ndikim do të kenë dy ndeshjet që këto skuadra kanë luajtur mes tyre në dy fazat e para, Partizani-Tirana 0-3, dhe Tirana-Partizani 0-2?
Jo, nuk mendoj se rezultatet e dy fazave të para do kenë ndikim në këtë “derbi” të dielën”. Tashmë ato janë si diçka e harruar, sepse të dyja ekipet ishin në situata të vështira, gati për mbijetesë. Tani janë në situata më të mira, kanë dalë nga zona e ftohtë.
Partizani-Tirana kanë luajtur mes tyre 180 ndeshje në Superiore, sa do ndikojë historia?
Në ndeshjet “Derbi”, unë mendoj se historia edhe nuk ndikon, sepse në të tilla sfida nuk dihet rezultati. Tashmë të dyja skuadrat kanë ndryshim në përbërje dhe në lojën e tyre, dhe këtë herë historia mbetet “peng” i realitetit mes tyre.
Jemi një ditë para zhvillimit të “Derbi”-t! Cili është parashkimi juaj për rezultatin e tij, dhe pse?
Për rezultatin, unë jam që ta fitojë Partizani. Por dihet fakti, se në një “derbi” rezultati është i paparashikuar. Do jetë një duel shumë i fortë, si zakonisht mes këtyre dy skuadrave, të cilat janë të motivuara për rezultatin pozitiv, që u jep ngjitje në renditje.
Në karrierën tuaj si futbollist me Partizanin, sa herë e keni luajtur “derbin” me Tiranën dhe si i kujtoni?
Unë kam luajtur shumë ndeshje “derbi” me Tiranën dhe i kam provuar të gjitha: Fitore, barazime, gola dhe humbje. Por mes tyre, kam përjetuar edhe një tifozeri madhështore, të cilën pres që ta kemi edhe këtë herë në “Air Albania”.
Në fundin e fazës së katërt të Superiores 2025-2026, ku e mendoni Partizanin në tabelën e renditjes?
Nuk mendoj ndonjë renditje të veçantë për të dyja këto skuadra të mëdha në futbollin shqiptar, të cilat më shumë se kurrë, duhet ti kthejnë kënaqësinë kampionatit shqiptar. Rezultatet e tyre kanë sjellë mungesën e tifozerisë.
“Derbi” pa aromë titulli, e veçanta kryesore e kësaj sfide
“Derbi” është i pa parashikueshëm”, këtë e deklarojnë edhe dy ish-futbollistët te Partizani e Tirana, Ylli Shehu e Saimir Malko, të cilët u shprehwn mes të tjerave, se të dyja klubet kanë bërë lëvizje të mira në merkaton e janarit. Duke veçuar rikthimin e Xhixhës te Tirana dhe të Muratajt te Partizani, trajnerët Oltijon Kërnaja dhe Ardijan Nuhiju e kanë presionin, pasi ky “derbi” nuk luhet për titullin, por për mbijetesë e ngjitje në renditje. Kjo është e veçanta kryesore e kësaj sfide.
Ndizet “derbi”, tifozët bardhwblu në sulm: Kundër morrave për 3 pikë
Të dielën në stadiumin “Air Albania” do të ndeshen dy ekipet e kryeqytetit Partizani-Tirana, në ndeshjen e tretë “derbi” për kampionatin në vazhdim.
Pritet të jetë e fortë dhe e bukur në fushë edhe në tribuna, dhe për këtë “Tirona Fanatics” ka vendosur të ndezin këtë përballje dy ditë më parë. “Të dielën do të luajmë kundër ‘morrave’, ndërsa jemi gati për 3 pikët e radhës”, shkruhej në njoftimin e tifozerisë së Tiranës.
ABISSNET SUPERIORE
SEZONI 2025-2026
Ndeshjet-Java 24
E shtunë 14 shkurt 2026
Vora-Egnatia 13:30
Teuta-Bylis 16:30
E dielë 15 shkurt 2026
Dinamo C-Flamurtari 16:30
(Luhet në “Elbasan Arena”)
Partizani-Tirana 16:30
(Luhet në “Air Albania”)
Vllaznia-AF Elbasani 19:30
RENDITJA
Skuadrat Nd P
1.Vllaznia 23 45
2.Egnatia 23 42
3.AF Elbasani 23 42
- Dinamo City 23 35
- Partizani 23 30
6.Teuta 23 27
7.Vora 23 25
8.Tirana 23 21
0.Bylis 23 20
10.Flamurtari 23 19
Saimir Malko: Tirana të ndryshojë marrshin e fitoreve
Java e 24-t e Superiores luan “derbi”-i kryeqytetit Partizani-Tirana, si do shërbejë ai për Tiranën?
Unë mendoj se është një ndeshje e vështirë për të dyja skuadrat, por është një “derbi” që nuk parashikohet për veçoritë që ka. Partizani është më i qetë se Tirana, për vetë renditjen dhe objektivat. Por Tiranës i duhet fitorja, dhe mundet.
Në këtë “derbi” të 181-të, Partizani është më superior në renditje në raport me Tiranën, do ndikojë kjo në rezultat?
Kur jemi gjatë zhvillimit të garës, renditja mbetet provizore dhe ndryshon ndeshje pas ndeshje. Ndaj edhe në këtë “derbi” nuk mendoj se nuk do të ndikojë pozicioni i tyre në renditje. Partizani duket i konsoliduar më mirë nga Tirana.
Sa ndikim do të kenë dy ndeshjet që këto skuadra kanë luajtur mes tyre në dy fazat e para?
Në fazën e parë dhe në të dytën, “derbi” mes tyre ka shkëmbyer nga një fitore për çdo skuadër. Por këto janë luajtur në vitin 2025, ndërsa në vitin 2026 të dyja kanë ndryshime në përforcime dhe në lojë. Mendoj se nuk do kenë ndikim fazat e para.
Partizani-Tirana kanë luajtur mes tyre 180 ndeshje në Superiore, sa do ndikojë historia?
Nuk mendoj se nuk do të ndikojë historia. Si do që të ndodhen skuadrat, nuk kanë ndikim historia dhe bilanci mes tyre. Unë besoj se ndikim do kenë afrimet që kanë bërë skuadrat, kryesisht te Tirana me disa futbollistë që duan kohë të përshtaten.
Jemi një ditë para zhvillimit të “Derbi”-t, cili është parashikimi juaj për rezultatin e tij, dhe pse?
Si ish-futbollist bardheblu, unë dëshiroj të fitojë Tirana, që edhe të dalë nga kjo gjëndje sa më parë. Një ndeshje e tillë duhet që të sjellë shumë tifozë në stadium. Tirana e Partizani e kanë këtë tifozeri që do ta zbukurojë “derbin”.
Në karrierën tuaj si futbollist me Tiranën, sa herë e keni luajtur “derbi” me Partizanin dhe si i kujtoni?
Kur luaja me Tiranën, në përbërje të Tiranës kam patur shumë emocion kur luaja kundër Partizanit, madje me emocione njësoj si me Kombëtaren. Në pesë vite me Tiranën, janë shumë ndeshje “derbi” tw luajtura ndaj Partizanit, të gjitha emocionuese.
Në fundin e fazës së katërt të Superiores 2025-2026, ku e mendoni Tiranën në tabelën e renditjes?
Së pari, e dëshiroj dhe e mendoj Tiranën jashtë zonës së mbijetesës. Nuk e teproj të them në zonën “Final 4”, por kështu si është duke luajtur, do të dalë nga mbijetesa. Për Partizanin, të shkojë sa më lart, është skuadër e madhe.
