INTERVISTA / Ish-mesfushori i Tiranës, Bedri Omuri, në analizën e “derbi”-t dhe të javës së 33-të të Superiores.
Agron KAJA
Si i përshkruani rezultatet e ndeshjeve të javës së 33-të të Superiores, në të cilën u shënuan edhe 15 gola?
Në këto ndeshje mu duk e habitshme fitorja e Vorës në Rrogozhinë me Egnatian, dhe ajo e Flamurtarit me Dinamon. Nuk besohej se, si Egnatia dhe si Dinamo, të ishin kaq të dobëta ndaj tyre. Por, në futboll ndodh me raste të tilla.
Në cilën prej tyre mendoni se doli jashtë pritshmërive, dhe a keni një këndvështrim teknik?
Ndoshta vetëm dy ndeshjet që i përmënda më sipër mbeten jashtë pritshmërive të javës së 33-të. Sepse Flamurtari dhe Vora nuk kanë kualitete në përbërjet e tyre që të fitonin ndaj këtyre kundërshtarëve, kryesisht Vora në transfertë ndaj Egnatias.
Java e 33-të e Superiores luajti “derbi”-in e kryeqytetit Tirana-Partizani 2-1, si e përshkruani përfundimin e tij?
Mendoj se ishte një “derbi” i luftuar, i ndarë në të dyja pjesët e lojës. Tirana e ka marrë shumë veten pas fazës së tretë, dhe ardhja e Shehit në bankinë tregon se kjo skuadër e meriton të mbijetojë. Edhe pse rreziku qëndron në tre javët e mbetura.
Si ish-futbollist me Tiranën, sa herë e keni luajtur “derbi” kundër Partizanit, dhe si i kujtoni?
Me fanelën e Tiranës (17 Nëntori), kam luajtur në 10 vite dhe kanë qënë shumë ndeshje “derbi” kundër Partizanit. Por ishin ndeshje të bukura dhe të ekuilibruara, me një tifozeri ku stadiumi “Qemal Stafa” nuk kishte vënd për ti mbajtur të gjithë.
Në fundin e fazës së katërt të Superiores 2025-2026, ku e mendoni Tiranën në tabelën e renditjes?
Janë tre javë me ndeshje shumë delikate, kryesisht për skuadrat që kërkojnë mbijetesën. Në javën e 34-ët do ketë shumë sfida, ku disa skuadra rrezikojnë të humbasin shancet e tyre, por në këto javë doja që fjala “tolerim” të humbasë në fushën e lojës.
Nisur nga renditja pas ndeshjeve të javës së 33-të, si e mendoni ecurinë e skuadrave?
Nisur nga renditja, nga një këndvështrim teknik kam mendimin se java e 34-ët do jetë shumë vendimtare, kryesisht për skuadrat që luftojnë në zonën e mbijetesës. Pikët e plota, apo edhe barazimet, do jenë shpresë e madhe për kalimin e rrezikut.
Java e 34-ët do t’i luajë të gjitha ndeshjet në të njëjtën ditë dhe orë (të shtunën në 16:00), pse mendoni ju?
Është vendosur ky orar, sepse FSHF-ja kërkon që të minimizojë ndonjë tolerim në ndeshje të veccanta, Kjo ndodh edhe në Botë, dhe unë mendoj se në këtë rast nuk është diçka për alarm. Orari i njëjtë i ndeshjeve i jep më shumë luftë sportive garës.
Nga kreu në fundin e renditjes, sa verdikte mund të përcaktohen në ndeshjet e javës së 34-ët?
Po sigurisht që do kemi edhe verdikte që mund të ndryshojnë, por vetëm për javën e 34-ët. Do jenë ndeshje të forta, dhe shpresoj pa tolerime.
Tre javë para përfundimit, si e mendoni renditjen e skuadrave në javën e 36-të, nga kreu në fundin e tabelës?
Mendoj se pas javës së 34 mund të flasim për një renditje përfundimtare. Kjo do jetë javë vendimtare dhe këtu pikët do kenë shumë vlera.
Egnatia, skuadra e tretë për në “Final 4”
Pas rezultateve në ndeshjet e javës së 33-të në Superiore, është mësuar edhe emri i skuadrës së tretë që hyn në zonën “Final 4”, e cila do të luajë për titullin kampion. Egnatia i është bashkuar Elbasanit dhe Vllaznisë, duke pasur 9 pikë diferencë ndaj Dinamo City dhe Partizanit, që e ndjekin me pikë të barabarta. Por fakti se kryeqytetaset luajnë ndaj njëra-tjetrës në javën e fundit, bën që rrogozhinasit të kenë sigurinë se të paktën një prej tyre nuk e arrin.
ABISSNET SUPERIORE
SEZONI 2025-2026
Ndeshjet-Java 34
E shtunë, 2 maj 2026
Dinamo City-Egnatia 16:00
Partizani-Flamurtari 16:00
Teuta-Tirana 16:00
Vllaznia-Bylis 16:00
Vora-AF Elbasani 16:00
RENDITJA
Skuadrat Nd P
1.AF Elbasani 33 62
2.Vllaznia 32 60
3.Egnatia 33 54
4.Dinamo City 33 45
———————————–
5.Partizani 33 45
6.Teuta 33 38
7.Tirana 33 35
———————————–
7.Vora 33 35
———————————–
8.Bylis 33 35
10.Flamurtari 33 32
RIVALITETI
Dy “galdiatorë” për “Këpuca e Artë”, Balaj apo Maksuti?
Ndërsa këtë fundjavë do të luhen ndeshjet e javës së 34-ët të Abissnet Superiore, edhe snajperat e golit kanë nisur rivalitetin mes tyre për trofeun “Këpuca e Artë”. Nisur nga rrjetat e tundura prej tyre, kryesuesi Bekim Balaj është në kërkim të trofeut të tij të tretë si golashënuesi më i mirë i kampionatit. Ndërsa Erald Maksuti i Flamurtarit, me tripletën që shënoi në fundjavë ndaj Dinamos, tregoi se do ti “ngjitet” Balajt edhe më pranë në këto tre javë të mbetura të kampionatit. Dhe i treti në këtë renditje është Irgi Kasalla i Vorës, i cili me 10 golat e tij të deri tanishëm, ende nuk ka qënë vendimtar që skuadra vorake të largohet nga ethet e mbijetesës. Ndryshe është situata për Dejvi Bregun e Dinamo City, sepse vlonjati ka shënuar më shumë gola përcaktues se sa gola për statistikë individuale. Por janë edhe tre javë deri në mbylljen e kampionatit dhe trendi mund të ndryshojë këtë renditje, ose ta mbajë në këto pozicione. Rivaliteti vazhdon, ndaj duhet të presim.
GOLASHËNUESIT KRYESUES
Bekim Balaj (Vllaznia) 13 gola
Erald Maksuti (Flamurta) 11 gola
Irgi Kasalla (Vora) 10 gola
Dejvi Bregu (Dinamo C) 9 gola
