“BOTËRORI 2026”/ Fitorja me Andorrën në “Monitorin” teknik të ish-futbollistit kuqezi, Bedri Omuri
Nga Agron Kaja
E hënë, 24 mars 2025, ora 20:45 në “Arena Kombëtare”, Tiranë
SHQIPËRI-ANDORRË 3-0
Shënues: Manaj 9’, 19’, Uzuni 90+2’
Shqipëria (1-4-3-3): Strakosha; Balliu, Ajeti, Gjimshiti (Kumbulla 68’), Aliji; Laçi (Pajaziti 76’), Asllani, Shehu; Broja (Uzuni 76’), Manaj, Hoxha. Trajner: Silvinjo
Andorra: (1-4-5-1): Alvares; Cervos (G. Lopez 86’), San Nikolas, Garcia, Borra (Llovera 76’); Oliveira, Garcia, Rubio (Rodrigo Tapia 63’), Rebes (Teiksera 63’), Babot; Rosas (Kuku 64’). Trajner: Koldo Alvarez
Arbitrat: Kryesor: Sebastian Gishamer; Asistentë: Ronald Riedel, Santino Shreiner; Arbitër i katërt: Valter Altman; VAR: Manuel Shutengruber; Asistent VAR: Sara Telek (Të gjithë nga Austria)
Kartonët: KV: / Babot 3’, Kuku 81’
Shikues: 17.183
“Botërori 2026”
Kualifikueset-Grupi K
Datë 24 mars 2025
Shqipëri-Andorrë 3-0
Angli-Letoni 3-0
RENDITJA
Skuadrat Nd P
1.Anglia 2 6
2.Shqipëria 2 3
3.Letonia 2 3
4.Serbia 0 0
5.Andorra 2 0
Ndeshjet-Shqipëria
Datë 7 qershor 2025
Shqipëri-Serbi 20:45
Datë 10 qershor 2025
Letoni-Shqipëri 20:45
Datë 9 shtator 2025
Shqipëri-Letoni 20:45
Datë 11 tetor 2025
Serbi-Shqipëri 20:45
Datë 13 nëntor 2025
Andorrë-Shqipëri 20:45
Datë 16 nëntor 2025
Shqipëri-Angli 20:45
PËRBALLJET
Shqipëri-Andorrë
Ndeshje miqësore
Datë 6 shkurt 2000
Shqipëri-Andorrë 3-0
Datë 17 prill 2002
Andorrë-Shqipëri 0-1
Datë 2 qershor 2010
Shqipëri-Andorrë 2-0
Europiani 2020
Datë 25 mars 2019
Andorrë-Shqipëri 0-3
Datë 14 nëntor 2019
Shqipëri-Andorrë 2-2
Kamp. Botëror 2022
Datë 25 mars 2021
Andorrë-Shqipëri 0-1
Datë 25 nëntor 2021
Shqipëri-Andorrë 1-0
Kamp. Botëror 2026
Datë 24 mars 2025
Shqipëri-Andorrë 3-0
Bilanci
Shqipëri-Andorrë
Ndeshje 8
Fitore 6
Barazime 1
Humbje 1
Golat 14:4
Komenti
Dje në mbrëmje, Kombëtarja jonë luajti ndeshjen e dytë kualifikuese për Botërorin 2026, kjo përballë Andorrës. Një ndeshje që, edhe pse Shqipëria nuk pati përballë një kundërshtare niveli, apo pretendente në Grupin K, dukshëm i kishte dhënë rëndësinë e duhur kësaj përballje. Jo vetëm rezultati fitues, por edhe në elementë të tjerë të lojës, skuadra jonë kishte ndryshime nga ndeshja e tre ditëve më parë në Angli. Me dy golat e fitores të shënuar nga Manaj në pjesën e parë, ky ishte rezultati, që ashtu sikundër edhe u zhvillua loja dhe u krijuan rastet, duhet të ishte një fitore më e thellë. Gjithsesi, analiza e ish-futbollistit të Kombëtares sonë, Bedri Omuri, duket e sjell më afër atmosferën e kësaj sfide, e cila më së shumti i ktheu moralin skuadrës sonë pas humbjes 0-2 me Anglinë, por ai e përshkruan jo të kënaqshme me këtë kundërshtar ku duhej shënuar më shumë gola. “Ishte një atmosferë jo aq e pritshme sa duhej, sepse Andorra është një ekip i dobët që nuk sillte më shumë tifozë. Gjithsesi, në pjesën e parë luajtëm një lojë e mirë, ku shpërthimet e Brojës treguan se ai është një lojtar me vlera që kërkon edhe pak kohë të rikuperohet plotësisht. Më pas kishte rënie, ndoshta sepse ishte një ekip i dobët, por që duhet të bënim më shumë. Dukeshim që çalonim në mesfusho, çka tregon se na duhet një organizator driblues që të dalë para portës dhe të godasë. Ndërsa pjesa e dytë ishte si një vazhdim me mbajtjen e topit pa asnjë rezultat dhe jo në pritshmëritë. Duhej më shumë të përqëndrohej loja në konkretizimin e golit, sepse këtu kishim mundësi të shënonim sa më shumë që të rregullonim golavarazhin. Përveç tre pikëve dhe tre golave, nuk u dalluam më shumë, përjashtuar disa shpërthime të Brojës. Vazhdimësia nuk ishte e kënaqshme. Nga kjo ndeshje duhen nxjerrë më shumë konkluzione, sepse kundërshtarë më të vështirë do kemi në ndeshjet e radhës”, kështu e analizoi Bedri Omuri fitoren e djeshme të Kombëtares sonë me Andorrën. Me këtë fitore, skuadra jonë Kombëtare kalon në vëndin e 2-të në renditje me 3 pikë në dy ndeshje, ndërsa kryeson Anglia me 6 pikë. Ndeshja e radhës për kualifikueset e Botërorit 2026 luhet më 7 qershor me Serbinë në Tiranë, një ndeshje ku Kombëtarja do të tregojë se është e denjë për vëndin e 2-të në Grupin K kualifikues të Botërorit 2026. Ndërsa më 10 qershor do të luajmë në transfertën e Letonisë.
Shqipëria-Renditja në FIFA
Vëndi 65 me 1375,57 pikë
Andorra-Renditja në FIFA
Vëndi 65 me 1375,57 pikë
Parashikimet e Basteve
Shqipëri-Andorrë
1 X 2
1.18 6.00 23.00
Biletat në tregun e zi dhe tifozët që u larguan nga stadiumi!
Para ndeshjes me Andorrën, dhe policia ka vepruar për gjurminin e aktivitetit të paligjshëm, nisur nga rrjetet sociale dhe në terren, për shitjen e biletave në tregun e zi. Dje, agjentë të policisë kanë qënë paradite përreth stadiumit, sepse kishte informacion për shitjen e biletave me çmim shumë më të lartë nga sa janë. Edhe gjatë hyrjes në stadium, policia kishte marrë masat duke i mbajtur nën vëzhgim dhe nën kontroll tifozeritë e organizuara në grupimet e tyre. Para fillimit të kësaj ndeshjeje, “Tifozët Kuq e Zi” kanë pretenduar se janë lënë pa bileta nga FSHF-ja, në pa mundësi për të ndjekur ndeshjet e kombëtares në stadium. Sapo filloi ndeshja, një numër i madh tifozësh kuqezinj vendosën të largohen, në formë proteste kundër FSHF-së për shitjen e biletave. Madje kishte edhe “Tifozë Kuq e Zi” që mbetën pa bileta për këtë ndeshje, që sipas FSHF-së, u shitën 17.183.
