“Kush nuk e vlerëson jetën, nuk e meriton atë “
Leonardo Da Vinçi
Nga Kastriot Hadëri ^ Xhevat Lluri
Thënia e Davinçit apo fjala e urtë e eruditit Sami Frashëri se : “ Njeriu më i pasur në botë është ai që ka nderim më shumë” , mendoj se i përshtaten edhe personazhit të këtij shkrimi siç është Selfo Allka, bir i fshatit Dukaj Tepelenë.SelfoDino Allka lindi më 21 Shkurt 1940 në fshatin Dukaj, Rrethi Tepelenë në një familje të varfër, por me tradita atdhetare e patriotike dhe e lidhur tërësisht me LANÇ, Babai i tij ka qenë luftëtar në çetën territoriale të fshatit dhe ka marrë pjesë në të gjitha luftimet që ka zhvilluar kjo çetë në territorin e fshatrave Turan –Dukaj – Salari sidhe në betejën e përgjakshme kundër forcave naziste në Shkallën e zezë Gjirokastër, në aksionin e Qafës së Miricës në Memaliaj. Më 17 Janar 1944 forcat naziste dhe bashkëpunëtorët e tyre ballisto-zogistë në fshatin Duks kryen masakrën e madhe ku vranë 13 burra e djem mes tyre edhe 13 vjeçari Hakik Barjam Varfaj dhe dogjën shumë shtëpi mes tyre edhe shtëpinë e DINOS në shenjë hakmarrje se nuk pranuan t’u bashkoheshin atyre për të luftuar kundër forcave partizane. Edhe në luftimet e zhvilluara me 2 korrik 1944, bashkë me çetën u ngrit tërë populli për çlirimin e fshatit. Selfua i lindur e rritur në këtë familje u edukua me frymën e atdhe dashurisë dhe punoi me përkushtim në vitet pasardhëse për t’i shërbyer Atdheut. Mbas çlirimit të vendit vazhdoi shkollën 7—vjeçare në fshat dhe me bursë shteti kryen shkollën profesionale për mekanik në industrinë e naftës. Ku punopi për disa vite.Etja për dije dhe për të zgjeruar më tej nivelin e tij intelektual e profesional mbaroi edhe arsimin e mesëm ekonomik dhe arsimin e lartë. Për vetë përgatitjen e tij dhe aftësitë organizuese ka kryer detyra të ndryshme në disa sektorë si në industrinë e naftës , në sektorin e shërbimit tregtar në Fier, në drejtorinë e përgjithshme të ndërtimit të Hekurudhave në Elbasan dhe rrethin e Tepelenës: ka qenë kuadër drejtues në disa institucione dhe së fundi në sektorin e naftës në Patos- Fier derisa doli në pension. Gjatë kohës në Fier është aktivizuar në organizatën e veteranëve dhe ka qenë zgjedhur nën/kryetar i kësaj organizate sidhe në organizatën e dëshmorëve i zgjedhur në forumet e saj. Gjithashtu ka drejtuar shoqatën atdhetare –kulturore “Labëria “ i zgjedhur në kryesinë e përgjithshme të kësa organizate në dy mandate. Kudo ku ka punuar ka demonstruar kulturë dhe edukatë qytetare dhe komunikim e marrëdhënie shembullore me eprorë e vartës dhe është karakterizuar nga disiplina në punë , thjeshtësia dhe urtësia ku ka merituar respektin e dashurinë e njerëzve kudo ku ka punuar dhe ka marrë edhe vlerësime të ndryshme. Krahas punëve të ndryshme që ka kryer njihet edhe si publicistë dhe anëtar i Degës së lidhjes tëshkrimtarëve në qytetin e Fierit. Ka shkruar e pasqyruar veprimtaritë ekonomiko- shoqërore në disa organe shtypi para viteve 90.Në vitet e demokracisë ka shkruar në disa organe shtypi me problematika të ndryshme si në gazetën ‘Telegraf’, ‘Ndryshe ‘, gazetat periodike ‘Labëria ‘ dhe ‘|Kushtrim Brezash, nërevistën ‘Pavdekësia’ dhe në disa gazeta lokale ku vazhdon të jetë ende aktiv. Si botues është autor i 8 librave me publicistikë.Si nostalgjik dhe me shumë dashuri ka shkruar për vendlindjen librin letraro-historik ‘Dukaj shkëmbi i Lavdisë’ku pasqyron objektivisht një periudhë gati dy shekullore mbi historinë dhe jetën e disa figurave atdhetare e patriotike të fshatit të përfshirë në çeta luftëtarësh kundër pushtimit osman, si dhe në dy luftrat botërore, ku ka portretizuar edhe 28 dëshmorët që dhanë jetën për lirinë e atdheut: mes tyre për figurën e heroit të popullit Memo Nexhip Bejko, vrarë në provokacionet e 2 gushtit 1949 nga monarko-fashistët grekë.Ka botuar monografinë për dëshmoren Liri GERO heroinë e popullit ,Leko Muçaraku dëshmor i parë i batalionit partizan ‘Semani’ apo “ Tre brezat e lavdishëm”, bijtë e një familje dukjote me tre vëllezër dëshmorë,librin me kujtime “ Në dallgët e jetës “ dhe dy vëllime “Publicistika 1 dhe 2 me 820 faqe ku përfshihen shkrime dhe artikuj të ndryshëm me tematikë të larmishme për periudhën pas viteve 1990 dhe po përgatit edhe vëllimin e tretë.Për gjithë kontributin dhe aktivitetin e tij shtetëror e shoqëror ndër vite në rrethet ku ka kontribuar ka marrë edhe vlerësimet përkatëse. Komuna qendër Tepelenë i ka dhënë titullin. “Qytetar Nderi”; Bashkia Fier e ka vlerësuar punën e tij me “Certifikatë Mirënjohjeje”, Lidhja Ndërkombëtare e Poetëve, Shkrimtarëve dhe Artistëve: PEGASI Albania, me titullin “Anëtar nderi” i degës së lidhjes së krijuesve Tepelenë. Në Fier Selfo Allka është anëtar i degës se Lidhjes së Shkrimtarëve. Organizata Kombëtare e Dëshmorëve të Atdheut Tiranë i ka dhënë titullin “Nderi i Organizatës së Dëshmorëve të LANÇ e Dëshmorëve të tjerë të Atdheut”. Forumi i Shoqatës Kulturore- Atdhetare “Labëria” me qendër në Tiranë e ka nderuar me diplomën “Mirënjohja e Labërisë”, Shoqata Kulturore Atdhetare “Myzeqeja” me certifikatën “Krenaria e Myzeqesë” etj. Pra, e gjithë jeta dhe veprimtaria e z. Selfo Allka si intelektual e kuadër në punë dhe në pension është e mbushur me veprimtari, aktivitete e kontribut të madh shoqëror. Edhe si kryefamiljar ai ka një familje model me fëmijë e pjesëtarët e saj të arsimuar e të edukuar. Aktualisht dy mbesat e rritura dhe të edukuara nën kujdesin e vazhdueshëm të gjysh Selfos në muajin maj 2020 u diplomuan në universitetin e Nju Jorkut, SHBA me vlerësim të lartë, Stela Gogaj u certifikua studente ekselence në degën“Matematikë shkencore”, ndërsa motra e saj, Anisa Gogaj është pjesë e stafit të Kompanisë “Amazon” LLP I Nju Jork, ndër më të mëdhatë në botë me detyrë: Menaxhere operacionesh, që drejton e mbikëqyr një staf me 1000 punonjës, në këto arritje gjysh Selfua ka rolin e tij dhe meriton respekt të veçantë për përkushtimin e kontributin e dhënë për edukimin e dy mbesave. Në shenjë respekti për njerëzit e punës dhe arritjet admiruese të mikut tonë Selfo Allka kemi kënaqësinë që në kuadër të 80vjetorit të lindjes t’i urojmë jetë të gjatë, shëndet dhe sa më shumë gëzime familjare!
MESAZHON ATDHETARI
SelfoAllka tungjatjeta,
Tungjatjeta shok me vlerë.
Shkruaj, shkruaj sa të jetë jeta
dhe, mos pusho asnjëherë!
Ne dhe brezave, që vijnë,
na duhet dhe pena jote,
të lexojmë historinë,
si ka rrjedhur nëpër mote.
Ngjarjet i pasqyron saktë,
me ndjenja atdhetarie,
Jep kontribut jo të paktë,
me mesazhe mirësie.
Sa fort e do këtë tokë,
s’e ndërron me asgjë tjetër!
Arkivin që ke në kokë,
për brezat e zbardh në letër.
Publicist i papërtuar
dhe, veprimtar shoqëror.
Me zell të madh në të shkruar
Seç të ndrin pena në dorë.
Mes njerëzve je përherë,
Motoja jote bashkimi.
Me atë zemër pranverë:
jep mesazhe paqësimi.
Je kuadër me përvojë,
na ndriçon e na mëlcon
dhe, me penë dhe me gojë,
si gur qosheje qëndron.
Selfo, je një kockë e fortë,
jo si shelegu nga fryn era.
Çdo dredhan e ka të kotë,
nuk bëhet dimër pranvera.
Dukaj me ty është krenar
dhe, Fieri domosdo,
Rri gjithnjë në vijë të parë,
për Atdhenë këndon kudo.
Tungjatjeta Selfo Allka,
Tungjatjeta more burrë.
Penës, që lezet të paska,
mos iu thaftë boja kurë!