Ditën e djeshme rrjeti u çmend me foton që reperi Capial T postoi në Instagram. Ai publikoi një foto ku shfaqet së bashku me modelen shqiptare Adrola Dushi dhe njerëzit online kaq deshën që të vërshonin me komente se dyshja janë në një lidhje dashurie.
Sikur të mos mjaftonte fotoja Capital T e shoqëroi atë me një zemër si për të shtuar dhe më shumë zërat.
Teksa të gjithë dyshojnë se ata të dy janë çifti më i ri në showbizin shqiptar, burime bëjnë me dije se Adrola dhe Capital nuk kanë marrëdhënie dashurie mes tyre por profesionale.
Adrola do jetë pjesë e klipit të reperit, që pritet të publikohet ditën e nesërme. Për publikimin e klipit ka folur vetë Capital në një video live që realizoi në Instagram.
Pra, asgjë romantike nuk po ndodh mes Adrolës dhe Capital T. Mund të jenë çift në videoklip mirëpo jo në jetën reale!
