MJEKIME POPULLORE
Gjethe pelini për edemat
Për edemat (enjtje) që mund të shfaqen, merrni 2 lugë gjelle bimë pelini dhe hidheni në 1 litër ujë të porsavaluar. Ena lihet e mbuluar 2 orë, pastaj kullohet. Pihet para bukës një gotë 3 herë në ditë.
Hithra për hipotensionin
Një dorë gjethe hithrash të thata hidhen në një litër ujë dhe zihen për 15 minuta. Ena lihet e mbuluar 10-15 minuta, pastaj kullohet. Pihet një gotë 2-3 herë në ditë. Kuskuta për parazitët e zorrëve Për mjekimin e parazitëve të zorrëve përdoren 2 lugë gjelle kuskutë. Zihen
në 1 litër ujë për 20 minuta. Ena lihet e mbuluar 30 minuta dhe pastaj
kullohet. Pihet një lugë gjelle 3 herë në ditë.
STUDIMI AMERIKAN/ Mungesa e vitaminës D te nënat ka pasoja tek i porsalinduri
Shkencëtarët amerikanë nga Qendra Mjekësore e Bostonit kanë njoftuar se në
momentin e lindjes, 36% e nënave dhe 58% e foshnjave kanë mungesë të vitaminës D. Për nevojat e studimit është përcjellë niveli i vitaminës D në gjakun e nënave dhe të
porsalindurve në 72 orët e para pas lindjes së foshnjës. Hulumtuesit tregojnë se mungesë
e vitaminës D është vërejtur edhe te 30% e shtatzënave, të cilat në tremujorin
e fundit të shtatzënisë kishin marrë vitaminë D në formë tabletash nga pesë
herë në javë. Nivel më i ulët i vitaminës D është vërejtur te foshnjat, nënat e të
cilave po ashtu kishin pasur mungesë të kësaj vitamine. Për më shumë nivel të
ulët të vitaminës D kanë pasur edhe foshnjat nënat e të cilave kishin mbipeshë, si dhe ato që kishin lindur në muajt e dimrit.
MJEKËSIA/ Tumoret brenda kafkës rritin shtypjen e trurit, duke e penguar sistemin e qarkullimit të likuorit
Nuk janë të pakta sëmundjet që prekin dhe dëmtojnë sistemin nervor të njeriut. Shtimi i pakontrolluar i qelizave kanceroze mund të shkaktojë tumor në trurin e njeriut. Kanceri i trurit paraqet një shumim të pakontrolluar të indit të trurit, si dhe cipave që rrethojnë trurin. Ato mund të jenë malinje, pra femërore, por nuk zhvillojnë metastaza. Në të shumtën e rasteve ata zhvillohen nga indi lidhor nervor, por shpesh edhe nga cipat e trurit ose janë metastaza nga tumore të tjera të trupit. Tumoret mashkullorë, tumoret beninje, e shtyjnë indin përreth tyre, por nuk rriten brenda në indin përreth dhe nuk zhvillojnë metastaza. Përbrenda kafkës mund të rrisin shtypjen e trurit, duke e penguar sistemin e qarkullimit të likuorit.
SI NDODH ZHVILLIMI I TUMORIT?
Strukturat e sistemit nervor dëmtohen nga zhvillimi i tumorit mashkullor të trurit. Tumoret
malinj rriten duke e infiltruar indin përreth tyre. Kjo do të thotë që është e vështirë të gjendet një kufi i mprehtë ndërmjet indit normal dhe kancerit. Pas një operimi të mundshëm
mbesin përreth akoma qeliza, të cilat më vonë shumohen dhe krijojnë sërish tumor
të trurit. Tumori i shfaqur në tru mund të zhvillohet vetëm në një masë të vogël të zonës
së kafkës, sepse kjo pjesë nuk mund të zgjerohet. Me zhvillimin e tumorit zona e trurit ngushtohet dhe shfaqen dhimbjet dhe simptomat e para. Për këtë shkak, edhe tumori
mashkullor, beninj, nëse nuk shërohet me kohë mund të sjellë vdekjen e njeriut. Në varësi
nga indi fillestar në të cilin zhvillohen tumoret në tru, më të shpeshta janë gliomet,
meningeomet dhe adenoma e hipofizës. Një pjesë e tyre paraqitet si vazhdim, metastazë i
tumoreve nga organet jashtë kokës, si kanceri i bronkeve dhe kanceri i gjirit.
CILAT JANË SIMPTOMAT KRYESORE QË SHFAQEN?
Simptomat që shfaqen për tumorin në tru janë të shumta dhe të shumanshme, në varësi nga shkalla e zhvillimit dhe përhapjes së tumorit. Në varësi nga zona ku është zhvilluar tumori, i sëmuri do të ndjejë mpirje të njëanshme të trupit dhe humbje të pjesshme të shikimit, epilepsi të ndryshme. Si pasojë e rritjes së shtypjes së tru- Tumoret e trurit dhe
ndikimet në sistemin nervor rit, i prekuri nga tumori në tru do të ketë të vjella,
marrje mendsh, etj. Por një pjesë e simptomave janë të papërcaktuara si: dhimbjet e kokës, lodhja, humbja e peshës, etj.
ÇFARË BËHET PËR VENDOSJEN E DIAGNOZËS?
Pas simptomave të para të domosdoshme, drejtohemi te mjeku, i cili do të bëjë analizat paraprake. Pas diagnostikimit të tumorit në tru, vendoset terapia që duhet të ndiqet. Terapia e tumoreve të trurit varet prej lokacionit, madhësisë, prejardhjes së tumorit, si dhe nga gjendja e përgjithshme e pacientit. Në vend të parë qëndron operimi i tumorit, e ndjekur nga rrezatimi dhe hemoterapia. Në varësi të shkallës së përhapjes, tumoret mund të prihen dhe të hiqen gjatë operacioneve. Tumoret e Shkallës së I-rë janë në princip të shërueshëm. Edhe tumoret e Shkallës së II-të e kanë prognozën e mirë. Ndërsa tumoret e Shkallës së III-të dhe të IV-t, edhe pse terapia ka përparuar shumë, kanë një mbijetesë vetëm 1 deri në 2 vjet.
KUR KEMI PARALIZË CEREBRALE DHE ÇRREGULLIME NERVORE?
Paraliza cerebrale shënon një grup çrregullimesh neurologjike që ndikojnë në aftësinë e trurit për të kontrolluar muskujt. Paraliza cerebrale ndodh për shkak të dëmtimeve të trurit ose anomalive në zhvillimin e trurit para, gjatë ose pas lindjes. Ajo mund të variojë nga
një shkallë e lehtë në një më të rëndë dhe mund të krijojë vonesa të lehta ose të rënda mendore, probleme të dëgjimit, shikimit, defekte në gjuhë dhe në të folur, epilepsi dhe çrregullime të sjelljes. Tipi spastik është zakonisht më i përhapuri dhe është i lidhur me kohën,
ngrirje ose kontraktim të muskujve të trupit, duke përfshirë këmbët ose duart. Akoma nuk dihet qartë çfarë e shkakton paralizën cerebrale te një fëmijë, por numri i faktorëve dhe kushteve që mund të ndërhyjnë në zhvillimin e trurit, mund të vihet re.
Në varësi nga zona ku është zhvilluar tumori, i sëmuri do të ndjejë mpirje të njëanshme të trupit dhe humbje të pjesshme të shikimit, epilepsi të ndryshme
