Disa këshilla si t’i ndihmojmë njerëzit gjatë një krize paniku

512
Sigal

Më shumë se 13% e njerëzve kanë kaluar një atak paniku. Kështu që secili njeri duhet të jetë I informuar për simptomat dhe mënyrën se si t’i përgjigjemi këtij ataku

Duke iu referuar Fondacionit të Shëndetit Mental, 31.2% e njerëzve kanë kaluar gjatë një ataku panik. Nëse keni njohur një njeri i cili vuan nga ky çrregullim atëherë, është shumë e nevojshme të mësoni për simptomat dhe mënyrën se si t’i përgjigjeni këtij ataku. Disa nga simptomat e një atak paniku janë: frymëmarrje e shpejtuar, rrahje të shpeshta të zemrës, dridhje e trupit. Shoqatat e shëndetit mental janë të mobilizuara me anë të trajnimeve të ndryshme për të informuar njerëzit mbi keto raste.

Mundohuni t’i qetësoni

“Nëse dikush po kalon një atak paniku, është shumë e rëndësishme t’i gjendeni afër, dhe të mundoheni ta qetësoni,” thotë një profesor në Klinikën e Psikologjisë dhe Shkencave të Aplikuara në Bath.

Praktikoni frymëmarrjen e thellë

Ka shumë guida të cilat shpjegojnë për mënyrën se si duhet marrë frymë gjatë një ataku. Ka shumë rëndësi të praktikoni frymëmarrjen e ngadaltë dhe të thellë.

Mos i injoroni

Matt Haig, autor i një ndër librave më të shitur Arsyet Për të Qenë i Gjallë, potencon që njerëzit të cilët po kalojnë nëpër këtë ‘çrregullim’ nuk duhet injoruar sepse ata po kalojnë një eksperiencë shumë të vështirë në jetën e tyre.

Provoni t’i bëni të ndihen prezent në të tashmen

Martin Antony, profesor i psikologjisë në Universitetin e Torontos në Kanadë thotë se një person i cili po kalon një eksperiencë të tillë, mund të ndihet inferior me realitetin, gjithçka i duket joreale, prandaj është e rëndësishme të aplikohet metoda e fokusimit në gjëra reale apo nuhatja e një arome të fortë.