Xhelal Mziu, gjatë një takimi me banorët e Ushtelenxës në Dibër, ka akuzuar qeverinë për braktisjen e kësaj zone dhe mungesën e investimeve. Ai e quajti Rrugën e Arbërit ‘rruga e korrupsionit’, duke theksuar cilësinë e dobët të punimeve dhe vonesat e zgjatura. Sipas tij, bujqësia dhe blegtoria janë në krizë, ndërsa shpopullimi po vijon me ritme alarmante.
Mziu prezantoi planin e PD-së për vitet 2025-2029, i cili parashikon 100 milionë euro subvencione për bujqësinë dhe investime në infrastrukturën shëndetësore dhe arsimore.
Ai u shpreh:
Forca përpara! Dibra dhe mbarë Shqipëria meritojnë më shumë!
Sot patëm një takim të ngrohtë e frymëzues me banorët e Ushtelenxës, të cilët ndajnë të njëjtën shqetësim: Dibra është lënë në harresë nga qeveria e Rilindjes!
Prej 12 vitesh, kjo qeveri ka premtuar zhvillim, por ka sjellë vetëm skandale dhe dështime:
Rruga e Arbërit, rruga e korrupsionit, ende e papërfunduar, me cilësi të dobët.
Bujqësia dhe blegtoria në krizë, me fermerët që braktisen pa asnjë ndihmë.
Shpopullimi i pandalshëm, pasi të rinjtë nuk shohin asnjë mundësi për të ardhmen e tyre.
Por ndryshimi po vjen, dhe platforma e Partisë Demokratike për 2025-2029 ka zgjidhje të qarta për Dibrën dhe gjithë Shqipërinë:
Përfundimi real i Rrugës së Arbërit dhe infrastrukturës publike, me cilësi dhe transparencë.
100 milionë euro subvencione për bujqësinë, për të mbështetur fermerët e Dibrës.
Përmirësim i infrastrukturës shëndetësore dhe arsimore, me spitale të pajisura dhe shkolla moderne.
Nxitje e investimeve dhe punësimit, me lehtësi fiskale për bizneset që hapin vende pune në zonat rurale.
Dibra nuk kërkon lëmoshë, kërkon mundësi dhe drejtësi! Me mbështetjen tuaj, ne do ta bëjmë realitet këtë ndryshim.
