Ende pa u zyrtarizuar fitorja, qeveria e Edi Ramës ka nisur shkatërrimin e ndërtimeve në zona të ndryshme të vendit.
Pas prishjes së ndërtimeve në Durrës, një aksion i tillë ka nisur dhe në Sarandë.
Policia Bashkiake e Sarandës, me mbështetjen e forcave të Policisë së Rendit, ka filluar ditën e sotme prishjen e disa ndërtimeve, të cilat sipas policisë, janë pa leje.
Këto ndërtime janë ngritur gjatë periudhës së fushatës elektorale. Duket se qeveria e ka mbyllur një sy gjatë fushatës, me qëllim që të ju marrë votat, dhe tani po ua shkatërron investimet.
Janë rreth 20 objekte të tilla të cilat janë për t’u prishur gjatë këtij aksioni, shkruan SarandaWeb.
