Vasili ‘i përvishet’ Ramës: Na trego 50 mijë testimet në ditë të Gjermanisë, jo varret e Iranit

Nënkryetari i LSI-së, Petrit Vasili, i kthehet videos së postuar ditën e sotme nga kryeministri Edi Rama, ku tregohej se si Irani po përballej me një numër të madh vdekjesh si pasojë e Koronavirusit.

Përmes një video-mesazhi në rrjetet sociale, Vasili i bën thirrje Ramës të marrë shembull Gjermaninë dhe jo shtetin aziatik.

“Karnavali i fandaksur me mjekër të bardhë i qeverisë, që ka rrëmbyer sot më shumë pushtet se Ramiz Alia në vitin 1991, kërkon të vendosë pushtetin e Ajatollahëve në vend të pushtetit të Merkelit.

Ndaj tregon arkivolët e Iranit dhe nuk tregon 50 mijë testimet në ditë të Gjermanisë”, shkruan Vasili.

Postimi i plotë i Vasilit:

S’duhet të humbim kurrsesi optimizmin dhe shpresën.

Karnavali i fandaksur me mjekër të bardhë i qeverisë, që ka rrëmbyer sot me shumë pushtet se Ramiz Alia në vitin 1991, kërkon të vendosë pushtetin e Ajatollaheve në vend të pushtetit të Merkelit.

Ndaj tregon arkivolet e Iranit dhe nuk tregon 50 mijë testimet në ditë të Gjermanisë.

Ky shqiptarët i tradhëtoi në ditën më të vështire dhe askush nuk ja harron kurrë sepse nuk kurseu as shëndetin e tyre për karrigen e tij.

Tani as FB, Twiter, Istagram dhe ERTV nuk ja shlyejnë dot këtë tradhëti dhe sa më shumë të shkruajë e të flasë aq më shumë do thellohet në faj.

Nuk do të sakrikohen as Shqipëria as shqiptarët për të.

Me shpresë dhe optimizëm do t’ja dalim!