I ftuar në një emision televiziv, Jamarbër Malltezi, anëtari i Kryesisë në PD, ka komentuar gjendjen e jashtëzakonshme të krijuar artificialisht nga djegia e plehrave në Durrës, Kavajë dhe Golem.
“Kemi një situatë të ngjashme me Bashkinë e Durrësit, por më keq akoma pasi i gjithë territori është kthyer në një landfill masiv. Këtu kemi të bëjmë edhe me shpërdorimin e detyrës të të zgjedhurve vendorë, kemi të bëjmë edhe me tendencën monopoliste për të vjedhur më tepër para duke shfrytëzuar situatën e emergjencës, por edhe me mega aferën e inceneratorëve.
Çdo pushtet vendor, një nga dokumentet bazë që administron është menaxhimi i mbetjeve urbane.
Qoftë Durrësi, Kavaja, Golemi, Peqini kanë pasur kohë për ta zgjidhur këtë situatë duke e adresuar përmes landfilleve të tyre, por edhe lokale apo rajonale. Këto janë drejtuar tek i vetmi monopol. Kur shkon te monopolisti do i japësh atij çmimin që ai do.
Situata duket që këto muajt e verës është përkeqësuar jashtëzakonisht shumë artificialisht për të vjedhur sa më tepër para, duke i krijuar një situatë aspak të pranueshme për qytetarët.
Emergjenca e plerave në Durrës është shpallur që para katër vitesh. Çfarë e pengonte ish-kryetarin e Bashkisë së Durrësit të merrte masa? I thanë lëre se do e zgjidhim ne me një dorë. Asaj dore që i dhanë inceneratorin, asaj dore i dhanë si monopol edhe Sharrën, Klodian Zotos, Mirel Mërtirit, në dy duar ndahet e gjithë kjo situatë. Edhe Sharra tani që ne flasim është në kapacitete shumë të lartë. Mbi 70 % e Sharrës është ezauruar.”- u shpreh Malltezi.