Një tjetër ‘rekord’ është arritur nga shqiptarët gjatë 2020, ku sipas një tabele studimi nga REL, ne renditemi në vend të dytë pas ukrainasve, për refuzimet e hyrjes në BE, gjatë 2020. Vërehet se 13 315 shqiptarëve u është refuzuar hyrja në BE. Ndërkohë Ukraina, kryeson me 56 370 persona që u është refuzuar hyrja dhe pas nesh renditet Moldavia me 10 150 refuzime. Duke parë të dhënat që janë publikuar, Shqipëria ka lënë pas vendet e Ballkanit si Serbia, Bosnje-Hercegovina, Maqedonia e Veriut apo Turqia.