Politikë

SHBA/Tucker Carlson-FOX News/ Politikanët e korruptuar po përdorin emergjencën shëndetësore për të shkatërruar demokracinë dhe për t’u sjellë si autokratë

Nga

12 Qershor, 2020

299

Editorial i natës së djeshme nga drejtuesi i emisionit të Fox News Tucker Carlson Tonight:Ne jemi tallur të gjithë

Miliona amerikanë u bënë subjekt i kufizimeve të papara në jetën e tyre vetiake, në jetën e tyre të përditshme, në jetën e tyre familjare. Bllokimet prej koronavirusit vazhdojnë në shumë vende. Ju mund të mos e dini, sepse këto fakte nuk marrin ndonjë publicitet, por kjo është e vërtetë. Nëse jetoni nën karantinë, duhet ta dini patjetër. Si rezultat i karantinës, dhjetëra miliona njerëz tani janë të papunë. Një numër i madh i tyre nuk kanë një perspektivë të qartë, kur mund të punojnë sërish, mijëra biznese të vogla janë të mbyllura dhe nuk do të hapen më kurrë. Shumë amerikanë janë bërë të varur nga droga dhe alkooli, pasi martesat e tyre janë prishur për shkak të karantinës dhe papunësisë, ata po kalojnë në depression klinik. Shumë nga amerikanët kanë shtyrë dasmat. Shumë të tjerët u ndaluan nga qeveritë për të varrosur të dashurit e tyre dhe për të marrë pjesë në funeralet e të miqve dhe të afërmëve të tyre. Disa amerikanë do të vdesin nga kanceri sepse nuk mund të bënin ekzaminime në kohë. Një numër i panjohur i kanë dhënë fund jetës së tyre në dëshpërim. Të tjerët kanë dalë në rrugë, duke u rebeluar, sepse dufi dhe zhgënjimi kanë shumë forma për t’i shprehur Kostoja e mbylljes së Shteteve të Bashkuara dhe ndalimi i qytetarëve për të pasur kontakt jetësor me njëri tjetrin i ka çuar në dëshpërim të thellë dhe është e vështirë të llogaritet, por kostoja ka qenë e jashtëzakonshme. Njerëzit përgjegjës për të bërë gjithëa këto, nuk kanë asnjë pendim – “Ne u përballëm me një fatkeqësi globale”, thonë ata. COVID-19 ishte pandemia më e keqe që nga gripi Spanjoll. Por ai grip vrau mbi 50 milion njerëz. Ne nuk kishim zgjidhje tjetër. Ne bëmë gjënë e duhur. Kjo është ajo që po na thonë. A është e vërtetë? Përgjigja për këtë pyetje ka rëndësi jo vetëm sepse e vërteta gjithmonë ka rëndësi, por sepse besueshmëria e lederave tanë është në diskutim pikërisht për këtë. Ky është vendimi më i madh që ata morën në jetën tonë, ata ishin në gjendje ta bënin atë, ata sundojnë sepse ne jemi që i lejojmë? Fuqia e tyre vjen prej nesh. Pra, pyetja tani dhe gjithmonë është, a janë të denjë ata për këtë fuqi? Ky nuk është një diskutim që ata duan ta bëjnë. Pikërisht tani, ata nuk duan ta bëjnë këtë diskutim sepse tani, të gjithë ne jemi të hutuar dhe të surprizuar nga revolucioni i papritur, që po ndodh jashtë. Revolucionaret krijuan një vend të veçantë në Seattle.
Por ne mendojmë se ia vlen të ndalemi për të vlerësuar nëse ata ishin, apo jo, në fakt, duke na gënjyer për koronavirusin dhe masat e marra ndaj tij. Përgjigja e shkurtër është kjo: Po, ata gënjejnë pa asnjë diskutim. Si çështje e shëndetit publik, përfundimisht, bllokimet nuk ishin të nevojshme. Në fakt, ne mund të vërtetojmë se dhe këtu janë provat më të fuqishme – shtete që nuk u mbyllën kurrë, shtete, ku njerëzve u lejohej të jetonin si amerikanë dhe jo të mbylleshin brenda, vetëm në fund, nuk patën humbje njerëzore më shumë sesa shtetet që ishin në karantinë të detyrueshme. Shtetet që u karantinuan dhe shkuan më shpejt drejt rihapjes nuk kanë pasur shpërthime të rasteve të koronavirusit. E gjithë kjo është e kundërta e asaj, që ata thanë me shumë besim se do të ndodhte. Mediat parashikuan vdekjet masive në vendet e Liqenit të Ozark dhe Ocean City, Maryland – vendi ku klasa e mesme guxon të bëjë pushime. Por ato vdekje nuk ndodhën kurrë. Në fund, koronavirusi i Wuhan-it doli të jetë një sëmundje jo shumë e rrezikshme, por një sëmundje e menaxhueshme si shumë të tjera. Shumë më të rrezikshme ishin vetë bllokimet. Për shembull, në Neë York, Pennsylvania, Neë Jersey, Massachusetts – guvernatorët e panikosur dhe të paaftë detyruan shtëpitë e pleqve, azilet, që të pranonin pacientë të infektuar me koronavirus. Si rezultat, me mijëra vdiqën dhe ata vdiqën pa asnjë ndihmë. Kjo është e gjitha një histori e jashtëzakonshme, por pothuajse tërësisht e shfaqur. Mediat janë të gatshme t’ju shpjegojnë pse ju urreni fqinjin tuaj për ngjyrën e lëkurës së tij. Mediat përfundimisht nuk dëshirojnë të rishikojnë ato që thoshin vetëm disa javë më parë, megjithëse ata po vepronin si zëdhënësa për politikanët demokratë të trullosur nga pushteti. Në ato ditë, lajmet po ju ngulisnin mendimin që jut ë mos pyesnit për çfarë po ndodhte, por vetëm të bindeshit! Një minute më parë ata që dilnin jashtë ishin vrasës të gjithë të tjerëve. Tani ata gjenden në Sam Adams. Ata janë atdhetarë, ata janë heronjtë amerikanë. Nëse e gjitha kjo duket si një strumbullar goxha i papritur, pse nuk shqetësoheni tani. Protetstat nuk janë një rrezik për shëndetin, për sa kohë që këto ndihmojnë në ambicjet e Partisë Demokrate për zgjedhjet e nëntorit, protestat e dhunshme nuk e përhapin koronavirusin. Këto nuk janë thashetheme, ne mund të jemi të sigurt për këtë sepse javën e kaluar qindra zyrtarë të shëndetit publik me emër dhe mbiemër nënshkruan një letër duke theksuar se trazirat e organizuara nga Black Lives Matter janë një kontribut thelbësor për shëndetin publik. Në fakt, ato janë një procedurë thelbësore mjekësore. Por kjo nuk do të thotë që ju mund të dilni jashtë. Ti jo! Falë koronavirusit, ju nuk keni të drejtë të rifilloni jetën tuaj. Dhe nëse ankoheni për këtë, është gati etiketimi, “nacionalizëm i bardhë”, ky ishte një përfundim profesional. A ka ndonjë amerikan, që e beson këtë? Jo, sigurisht që jo. Është shumë marrëzi ta besosh. Madje edhe për CNN, e cila nuk e ripërsëriti si zakonisht. Kjo është ana ogurzezë e gjykimit, nëse mendoni për të. Do të thotë që këta njerëz janë duke u përpjekur t’ju bindin, madje edhe t’ju budallepsin. Ata nuk japin argumente! Ata po nxjerrin ligje. Ata mendojnë se munden ta bëjnë këtë. Ata besojnë se nuk më kanë nevojë për aprovimin tuaj për të marrë vendime të mëdha për vendin. Pasi autoritarizmi i tyre do përpiqet t’ju ndalojë të ndryshoni mendim, madje edhe duke ju mashtruar. Nëse ata duan të përdorin edhe forcën, do ta bëjnë ate, sepse e kanë. Gjatë karantinës, shumë njerëzve që humbën të dashurit e tyre nuk I lejuan të kishin një funeral të denjë për ta. Imagjinoni për këtë, është shumë e vështirë të gjeni ndonjë gjë më mizore se kjo, por kjo ju ndodhi shumë njerëzve. Ata arsyetuan dhe këmbëngulën se sihte e nevojshme, por nuk ishte e tillë. Dhe ne e dimë këtë sepse tani që një njeri ka humbur jetën dhe vdekja e të cilit është politikisht e dobishme për Partinë Demokrate, autoritetet kanë lejuar të bëhen tre funerale për të dhe asnjë fjalë për një rrezik epidemik. Ose arsyetoni për King County, në Washington – dhe për Seattle. Restorantet në King County janë në punë vetëm me 25% kapacitet. Ky është ligji tani. Bizneseve, sipas arsyetimit jo të domosdoshme, ju lejohet të punojnë vetëm me 15% të kapacitetit. Efekti i kësaj është një katastrofë ekonomike. Shumica e bizneseve të vogla funksionojnë në kufijtë e mbijetesës. Ata nuk mund të vazhdojnë kështu për shumë kohë, dhe shumë prej tyre janë mbyllur. Çfarë duhet të bëjnë ata? Ata duhet të bashkohen me Antifën, padyshim, sepse në King County, Ëashington, Antifa-t mund të bëjnë gjithçka duan. Ata kanë marrë një seksion të tërë me gjashtë blloqe pallatesh në qendër të qytetit Seattle, dhe kjo është në rregull për autoritetet shëndetësore. Nuk ka distancim social sipas ligjeve. Ato për të tjerët janë thelbësore. Po e shikoni pamjen që keni përpara? A përputhet kjo me mendimin tonë? Yeah, ata janë duke u tallur me ju. Të gjithë ishim të tallur, politikanët e korruptuar na trembën dhe na detyruan të heqim dorë nga kontrolli mbi pyetjet më themelore për jetën tonë. Në të njëjtën kohë, ata u dhanë më shumë fuqi përkrahësve të tyre të bindur si Antifa ndërsa ruanin pjesën tjetër të bllokuar në shtëpi dhe censuruan lajmet në internet. Me fjalë të tjera, ata përdorën një emergjencë shëndetësore publike për të shkatërruar demokracinë dhe për t’u sjellë si autokratë. Si janë në gjendje ta bëjnë këtë? E vërteta e trishtueshme është se ata e bënë këtë sepse ne i lëmë ta bëjnë. Ne i besuam ata, prandaj jemi duke iu bindur akoma atyre. Nëse ka diçka që nxorrëm mësim si të dalim nga kjo bela, është se askush nga ne nuk do të bëjë kurrë të njëjtin gabim përsëri.

Kush është Tucker Carlson
Ai është gazetar opinionist që drejton emisionin e dytë më të ndjekur në SHBA. Muajin e kaluar emisionin e tij e ndiqnin rreth 3.8 milionë shikues në ditë. Është gjithashtu drejtuesi i medias online “The Daily Caller” e cila ka mbi 5.5 milion ndjekës vetëm në Facebook. Këtë media ai e hapi në vitin 2010. Gjithashtu “ The Daily Caller” është në të gjitha rrjetet e tjera sociale. Karrriera e tij është e jashtëzakonshme duke filluar si gazetar në gazetë, më pas në CNN, MNBC dhe nga viti 2016 drejton emiisionin e tij “Tucker Carlson Tonight”. Carlson është një gazetar konservativ. Ai ka botuar dy libra dhe një numër të pafundëm artikujsh dhe analizash. Shtëpia e tij në vitin 2018 u sulmua nga një grup afërsisht prej 20 majtistësh në shenjë hakmarrje për qëndrimet e tij mediatike.

SHBA/Tucker Carlson-FOX News/ Politikanët e korruptuar po përdorin emergjencën shëndetësore për të shkatërruar demokracinë dhe për t’u sjellë si autokratë

MOST POPULAR

6 arsye pse shtëpia juaj duket gjithmonë rrëmujë

FOTOLAJM/ Normalizohet situata me reshjet e dëborës në Korçë

Bashkim Koçi: Miço Pepa, arkitekti që projektoi vendvarrimin e Skënderbeut

Klinika Lëvizëse “SIGAL UNIQA Vital Truck”, dy ditë në Divjakë/ Vizita...

HOT NEWS

Vullnet Bilbilaj: Shqipëria është e të gjithëve!

Posedonte municion, armë dhe veshje e sende të policisë, arrestohet 28-vjeçari...

Suplementi Pena Shqiptare/ Valter Dauti: Meditime nëpër Marse

Vunë lëndë plasëse në një banesë në Vorë, pranga të riut,...

Zgjedhjet e Redaktorit

Postimet më të Populluara

Sende personale të aktores Dame Joan Collins në ankand

Enver Hoxhës i shtypa diplomën e Luftës dhe Sali Berishës atë...

MSC. Anila Kalleshi: Programi veror 2018: Dieta për të humbur 4...

KATEGORI E POPULLARIZUAR

Dritan Agolli i FSHZH i jep 20 mln. euro oligarkut të...

Meta në 72-vjetorin e batalionit të Dumresë: Lufta antifashiste eshtë e...