Rama rikthen drejtoreshën e shkarkuar në Vlorë, e thotë “troç”: Emrat i vendos unë

198
Sigal

Drejtoresha e tatimeve Vlorë është rikthyer në detyrë nga kryeministri Rama, e shkarkuar më herët në vitin 2018, për shkelje të deturës, në 2017 u akuzua për pjesmarrje në fushata elektorale në kundërshtim me ligjin.

Mësohet se Rama në takimin e një dite më parë në Vlorë ka urdhëruar rikthimin e Resulaj në Tatimet e Vlorës. Mësohet se kryeministri dhe njëherë numri 1 në PS ka dhënë urdhër edhe për ndryshime të tjera në role drejtuese të drejtorive të Vlorës, për të cilat Fax Neës do të informoj në vazhim.

Resulaj është promovuar nga kryeministri Rama kohë më parë duke e cilësuar atë si drejtoreshë të suksesshme ndërsa vet drejtoresha e përgjithshme e tatimeve në 2018-ën doli publikisht dhe deklaroi se Resulaj ishte kapur me shkelje (pa specifikuar cfarë).

Resulaj është akuzuar edhe më herët në vitin 2017 për pjesmarrje në fushata elektorale në kundërshtim me ligjin, ndërsa ishte në pozicionin e drejtoreshës së Tatimeve në Vlorë. Asokohe ministria e Financave kërkoi hetim për Resulajn, i cili duket se nuk nisi asnjëherë.

Gjithashtu pas takimit të kryeministrit në Vlorë, do të ketë zëvendësime në disa pozicione… ndërsa emrat e sugjeruar janë dhënë nga vet kryeministri. Pak ditë më parë Rama shprehur haptazi pakënaqësinë e tij me drejtimin e bashkisë nga Dritan Leli, dhe duket se tashmë e tutje emrat do të vendosen prej tij.

Vlora ka qenë vazhdimisht një nga bastionet e socialistëve, dhe me hijen e zgjedhjeve që do të mbahen maksimumi verën e vitit të ardhshëm, Rama duket se nuk do të humbasë qarkun që e ka nxjerrë dhe atë vetë deputet.