Lëvizja Socialiste për Integrim në Bulqizë, i është kundërpërgjigjur shtabit elektoral të Partisë Socialiste, ku këta të fundit hodhën akuza se ata që u kapën për blerje votash i përkasin LSI. Sipas reagimit zyrtar të LSI në Bulqizë, ditën e djeshme u denoncuan me zë dhe figurë sesi eksponentë të “Rilindjes” në Dibër gjatë tentativës për të blerë me para në dorë votat e qytetarëve në Maqellarë.
Më tej LSI shton se të vërtetën do ta nxjerrin organet hetimore.
Postimi i LSI:
Janë zënë aq ngushtë sa po shesin edhe njëri-tjetrin!
Ditën e djeshme të gjithë qytetarët panë me zë dhe figurë sesi eksponentë të “Rilindjes” në Dibër u kapën në flagrancë, gjatë tentativës për të blerë me para në dorë votat e qytetarëve në Maqellarë.
Aq ngushtë janë zënë drejtuesit e sektit “Rilindja” në Dibër, #Dionisi & Co, saqë në vend që minimalisht të distancohen ose tek e fundit të heshtin përballë turpit të tyre të faktuar, ata mundohen të sheshin njerëzit e tyre si eksponentë të LSI.
Se për kë punojnë, se për kë blejnë vota, dhe se eksponentë të kujt janë këtë e vërtetojnë fotot e mëposhtme, por pa asnjë dyshim do e vërtetojnë edhe organet e hetimit.
