Paloka: Meta dhe Rama me kërcënime mafioze, nuk duan zgjedhje

362
Deputeti i Partisë Demokratike, Edi Paloka me anë të një deklarate për mediat ka akuzuar dyshen Rama-Meta se kërcënon kandidatët e djathtë për kryetar bashkie. Gjatë fjalës së tij, Paloka u shpreh kandidati i djathtë për bashkinë e Pogradecit , Eduard Kaptri, ka marrë një mesazh kërcënimi, ku i kërkohet tërheqja nga gara përballë kandidatit të Metës. Më tej Paloka i ka bërë kërkesë prokurorisë që të hetojë e të zbulojë autorin e porositësin e këtij kërcënimi e ta vërë atë para ligjit.
Partia Demokratike denoncon ashpër presionet dhe kërcënimet ndaj kandidatëve tanë në zgjedhje, nga kontigjenti kriminal që po operon në krah të dyshes Rama-Meta. Kandidati i Aleancës për Punë e Dinjitet për Pogradecin, Eduart Kapri, ka marrë një mesazh kërcënues, të tipit mafioz, ku i kërkohet të tërhiqet për tre ditë nga gara, në të kundërt ai do të ketë pasoja të rënda. Eduart Kapri garon përballë kandidatit të Ilir Metës. Ky kërcënim brutal, kriminal, i paprecedentë, vjen 10 ditë para mbajtjes së zgjedhjeve, në kohën kur të gjithë të dhënat flasin për një fitore të padiskutueshme të Eduart Kaprit në Pogradec.
Pasi kanë dështuar në të gjitha premtimet e tyre, pasi vijnë në këto zgjedhje pa bilanc dhe pa ofertë, tani u ka mbetur vetëm një zgjidhje, të mos ketë zgjedhje. Dhe për këtë përdorin dorën mafioze për të kërcënuar dhe ushtruar presion. I bëjmë sot të ditur Ilir Metës dhe ortakut të tij Rama, se Partia Demokratike i mban ata të dy drejpërdrejt përgjegjës, nëse një fije floku i preket kandidatëve tanë, njerëzve të tyre, dhe çdo demokrati e qytetari të përfshirë në këto zgjedhje. I kërkojmë Prokurorisë të reagojë me shpejtësi, të hetojë e të zbulojë autorin e porositësin e këtij kërcënimi e ta vërë atë para ligjit”, deklaroi Paloka.
Sigal