Pas goditjes së bankave, tatimeve, të dhënave personale, pikave kufitare, targave, institucioneve dhe gjithë sistemit në Shqipëri hakerohet edhe INSTAT. Me sa duket qeveria ua ka “besuar” hakerave iranian, zhdukjen e të dhënave, që mbulojnë gjurmët e krimit dhe babëzisë, por harrojnë që këto të dhëna i kanë shtetet e fuqishme të perëndimit. Martin Henze zbardh gjurmimin e OJQ për zgjedhjet në Shqipëri: Shifrat për pjesmarrjen dhe votuesit, mashtrim i rëndë për lirinë dhe demokracinë
Në tre vite pjesëmarrja e të rinjve në zgjedhje ka qenë në nivele të ulëta. Sipas të dhënave të OSBE mosha mbi 60 vjeçare duket se është vendim marrëse në partinë që merr pushtetin. Për këtë kërkohet një strategji informimi për të dërguar të rinjtë drejt kutisë
Të enjten, ndërsa ishte dita ndërkombëtare e zgjedhjeve kryekomisioneri Ilirian Celibashi pati një dëgjesë me grupet e interesit ku spikati mendimi i përfaqësuesit të OSBE në qëndrimin e tij që vuri theksin te angazhimi dhe informimi i të rinjve për të shprehur të drejtën e votës. Për këtë ai solli në vëmendje se në tre zgjedhjet e fundit pjesëmarrjen më të madhe e kanë pasur të moshuarit “Ka një trend të vazhdueshëm të pjesëmarrjes së ulët të votuesve së rinj. Në zgjedhjet e 2021 pjesëmarrja më e ulët është shënuar në grupmoshat 18-24 vjeç. Probleme janë evidentuar në vendosjen e qendrave të votimit në territore të vështira dhe ku nuk ka akses për personat me aftësi të kufizuara fizike. 60% e qëndrave të votimit nuk ishin lehtësisht të aksesueshme nga zgjedhësit me aftësi të kufizuara. Për ata që kishin probleme me shikimin, u konstatuan problematika edhe në votimin elektronik pasi pajisjet e votimit nuk ishin plotësisht të përshtatura për përdorim nga personat me problem në shikim” – u tha ndër të tjera në takim. Kryekomisioneri Celibashi tha se i ka dërguar kuvendit një listë me çështjet që duhen shtruar në ligj. “Në letrën që i dërguam partive politike, ku kemi bërë një listë të çështjeve që në krye të herës kemi thënë se ndryshimet e mundshme të kodit zgjedhor do duhen të adresojnë edhe çështjen e personave që për asye objektive nuk votojnë dot’’, tha Celibashi.
Qeveria merr qira hakerat iranianë për të zhdukur të dhëna?
Hakerohet INSTAT-i, si po tentohet të manipulohen të dhënat e shuarjes së vendit
Fakti që censusi u hakërua dhe do dalin disa të dhëna që askush s’do t’i besojë, na sjell në atë dediksion logjik që statistikat manipulohen që të dalin edhe zgjedhjet sipas një rezultati të caktuar. Nëse tani supozojmë se pjesëmarrja e votuesve është zakonisht rreth 35% mesatarisht, vetëm 350,000 mund të kishin votuar. Votat e mbetura prej 1 milion e 50 mijë janë mesa duket një trillim.
Instituti i statistikave ka njoftuar se është hakeruar, e se kanë rënë disa sisteme, por jo të dhënat e censit sipas tyre. Ky sulm kibernetik vjen ndërkohë që INSTAT po përpunon të dhënat për numrin e popullsisë të zhvilluar në fundin e vitit të kaluar, nga ku pritet të mësojmë numrin aktual të qytetarëve të Shqipërisë si dhe të dhëna të tjera mbi të ardhurat, fenë, etninë etj. Në Shqipëri, rezultatet e Censusit duheshin publikuar më 15 dhjetor 2023, po Drejtoresha e INSTAT, Elsa Dhuli, deklaroi se do publikohen brenda muajit qershor 2024, me justifikimin se “evidentimi dhe përpunimi i të dhënave kërkon shumë kohë e teknikalitet”. Ndërkohë flitet se po tentohet fshehja e numrit faktik të popullsisë, që është larguar nga vendi. Ku mendohet se numri i banorëve është më pak se 1.8 milionë. Është 1 milionë më pak për 10 vite të qeverisjes pothuaj 11 vjeçare të PS.
- Progni: Censusi tani është i pabesueshëm, prandaj u shty dy herë publikimi i rezultateve
Eksperti i IT Genti Progni tha se hakerimi i INSTAT-it nga hakerat iranianë rrëzon censusin, pasi rezultatet nuk do të jenë të besueshme nga grupet e interesit. Progni thekson se hakerimi ka ndodhur që në muajin dhjetor të vitit 2023, ndonëse është pranuar nga INSTAT.
INSTAT ka reaguar dhe ka thënë që jemi pre e një sulmi, por të dhënat janë të ruajtura në servera.
Gjithmonë është thënë që të dhënat janë të sigurta, por asnjëherë s’ka dalë që të dhënat janë të sigurta, sepse iranianët e kanë sjellë situatën në këtë fazë, që ne flasim për hakërim të dhënash, dhe hakerimi është bërë normal. Pas atij denoncimi u shty për herë të parë publikimi i censit, pastaj në janar u shty për herë të dytë. Tani na dalin iranianët në Telegram dhe thonë po e kemi hakëruar INSTAT-in. Ne kemi dhënë 16,9 milionë euro për censusin e fundit, tani na rezulton që ky census është i pabesueshëm, asnjë nga grupet e interesit, komunitetet fetare, etj., thonë që ky proces është i pabesueshëm. Fakti që u shty dy herë, kjo e përforcon më shumë. Llogaritja e të dhënave ndodh në çast, e njëjta gjë logjikisht është edhe për statistikat e censit, rezultati duhet të dilte brenda ditës, sepse kemi dhënë 17 milionë euro. Ky census ka rënë 1 milionë përqind. Ky census sjell edhe një problematikë tjetër për rezultatet e zgjedhjeve. Fakti që censusi u hakërua dhe do dalin disa të dhëna që askush s’do t’i besojë, na sjell në atë dediksion logjik që statistikat manipulohen që të dalin edhe zgjedhjet sipas një rezultati të caktuar. Ditën e zgjedhjeve ne kemi bërë një llogaritje sipas publikimit të rezultatit deri në orën 1:30 të personave që kishin votuar, dhe dilte që 30 për qind kishin udhëtuar nga jashtë Shqipërisë drejt Shqipërisë për të votuar. Por ne kemi TIMS-in e hakëruar. Ti s’e ke sot mundësinë edhe nëse hap hetime, s’ke asnjë statistikë dhe të dhënë të saktë që s’është prekur nga grupe interesi të caktuara. Nuk ka asnjë gjasë që unë të besoj këtë institucion që s’e ka pranuar sulmin që në dhjetor, që i ka të dhënat të ruajtura, që sot ke Parlamentin e hakëruar…”
Henze: Trillim me votat e mbetura prej 1 milion e 50 mijë
Në intervistën për “Telegraf”, Martin Henze, këshilltari për çështjet ekonomike tek CDU-ja gjermane evidentoi dhe paradokset me shifrat e votimit dhe numrit të popullsisë. Ku theksoi se: Nëse 3.6 milionë shqiptarë kishin të drejtë vote, sigurisht që duhet të jenë 4.6 – 5 milionë shqiptarë, duke përfshirë edhe ata që nuk kanë ende të drejtë vote për shkak të moshës. Sipas regjistrimit të fundit të vitit 2023, popullsia e Shqipërisë duket se është ende 1.8 milionë. Me një popullsi prej 1.8 milionë banorësh, duhet të ketë rreth 1 milionë votues. Megjithatë, sipas përfaqësuesve të OJQ-ve, 1.4 milionë votuan. Nëse tani supozojmë se pjesëmarrja e votuesve është zakonisht rreth 35% mesatarisht, vetëm 350,000 mund të kishin votuar. Votat e mbetura prej 1 milion e 50 mijë janë mesa duket një trillim.
