Përmes një postimi ne facebook ,anëtari i kryesisë së LSI,Klevi Pojana shkruan për muajin e madhërishëm të Ramazanit.
“Ndryshe nga çdo vit tjetër, ky Ramazan na gjen në kushte tepër të vështira, e ndoshta është pikërisht kjo arsyeja më e fortë dhe ky momenti më i mirë për ta mbështetur plotësisht qënien tonë tek Krijuesi”,-shprehet Pojana.
Postimi i plotë i Klevi Pojana:
Po i ndjej në zemër hapat e muajit të madh të Ramazanit, i cili po afrohet drejt nesh me mëshirë, falje e begati!
Ndryshe nga çdo vit tjetër, ky Ramazan na gjen në kushte tepër të vështira, e ndoshta është pikërisht kjo arsyeja më e fortë dhe ky momenti më i mirë për ta mbështetur plotësisht qënien tonë tek Krijuesi!
Uroj me shpirt që ky muaj të vij me dashuri, shëndet e mirësi për të gjithë familjet shqiptare dhe ta lehtësoj cilindo prej nesh nga kjo sëmundje e rëndë që ka izoluar globin!
Mos harroni sa më shumë lutje
O Zot ti je falës, e do faljen, na fal ne!
O Zot falja jote është më e madhe se gabimet tona dhe mëshira jote më e madhe se pendimi ynë!
O Zot bekoji familjet tona, vendin tonë dhe ruaj shqiptarët kudo që janë!