“Bejlerët“ e Kuvendit marrin nga arka e shtetit, përveç rrogës së majme edhe 170 milioë lekë në vit nga dietat, karburantet, telefonat, qiratë dhe shpërblimet, nëpërmjet ligjeve që kanë miratuar për vete. Ja emrat e deputetëve që përfituan miliona, përballë pensionistëve dhe qytetarëve që u mungon buka, ilaçet e u janë rritur çmimet
Zbardhen milionat që përfitojnë deputetët/ Kush janë 21 ligjvënësit e Tiranës që morën dieta, emrat që i refuzuan dhe benefitet për qira e telefon
Shqiptarëve u mungon buka e ilaçet, kanë pensionet më të ulëta, çmimin e naftës dhe energjisë më të shtrenjtin në Europë, por jemi krenar, sepse kemi deputetët të privilegjuar me rroga, përveç pagave të majme , benefitet e përmuajshme të tyre nxjerrin nga arka e shtetit rreth 170 milionë lekë në vit për dieta, karburant, qira e telefon
Nga të dhënat për muajin prill, rezulton se janë 21 deputetë të Tiranës që kanë marrë dieta. Më poshtë kemi ka publikuar listën me emra. Bëhet fjalë për deputetë të të gjitha kampeve politike. Nuk dihet se çfarë shërbimesh kanë bërë jashtë Tiranës, kur ata e kanë zonën elektorale në kryeqytet.
Deputetët e Kuvendit të Shqipërisë, përveç rrogave të majme, marrin çdo muaj nga buxheti i shtetit rreth 15 milionë lekë të reja benefite. Siguruar listpagesën e Kuvendit për muajin prill për të gjithë deputetët, lidhur me paratë që kanë shkuar për dieta, karburant, telefon dhe honorare. Sipas të dhënave të Kuvendit, për muajin prill kanë shkuar për benefitet e deputetëve, 14,265,163 lekë të reja.
Sipas ligjit për statusin e deputetit, ligjvënësit përfitojnë dieta për të shkuar në zonat elektorale, përfitojnë karburant për makinën, rimbursim të telefonatave dhe honorare për pjesëmarrjen në komisione.
Pjesa më interesante është ajo e dietave. Një muaj më parë pati një përplasje mes ish-kryeministrit Sali Berisha dhe Kuvendit, pasi ky i fundit refuzoi dietat me argumentin se është deputet i Tiranës.
Në fakt Neni 14, i ligjit “Për Statusin e Deputetit” e përcakton qartë se dietat i marrin deputetët jashtë Tiranës. Po ashtu marrin dhe ata të Tiranës, por vetëm për shërbime politike jashtë kryeqytetit. “Deputeti që nuk banon në qytetin e Tiranës përfiton dieta gjatë kohës që merr pjesë në mbledhjet e Kuvendit, të komisioneve e mbledhjet e grupit parlamentar, ndërsa deputetët që banojnë në Tiranë përfitojnë dieta për ditët e shërbimit jashtë Tiranës. Modalitetet e përfitimit të dietave rregullohen me vendim të Kuvendit”, thuhet në ligj.
Mirëpo nga të dhënat për muajin prill, rezulton se janë 21 deputetë të Tiranës që kanë marrë dieta. Më poshtë është publikuar lista me emra. Bëhet fjalë për deputetë të të gjitha kampeve politike. Nuk dihet se çfarë shërbimesh kanë bërë jashtë Tiranës, kur ata e kanë zonën elektorale në kryeqytet.
Ndërkohë kemi një numër prej 22 deputetësh, shumica e të cilëve janë nga rrethet dhe kanë refuzuar që të marrin dietat. Disa nga emrat janë: Taulant Balla, Fatmir Xhafa, Lulzim Basha, Sali Berisha, Damian Gjiknuri, Flutura Açka, etj.
Sa i takon rimbursimit për karburant, janë 3 emra që e kanë refuzuar dhe ata janë: Lindita Nikolla, Ermonela Felaj dhe Agron Gjekmarkaj. Ndërkohë pjesa tjetër ka marrë secili 40 mijë lekë të reja në muajin prill për rimbursim karburanti. Në total për rimbursimin e karburantit të deputetëve kanë dalë nga arka e shtetit në prill, 4.432.343 lekë.
Lidhur me rimbursimin e telefonit, kemi po Gjekmarkajn, Nikollën dhe Felajn që nuk kanë përfituar. Të gjithë të tjerët kanë marrë nga 17 mijë lekë të reja secili. Për muajin prill në total janë shpenzuar 2.128.767 lekë për të rimbursuar telefonatat e deputetëve.
Ndërkohë kemi 17 deputetë nga rrethet që përfitojnë rimbursim qeraje. Më poshtë është lista me emrat. Ata marrin në muaj 35.000 lekë të reja. Në total për muajin prill për rimbursim qeraje kanë shkuar 599.667 lekë.
Sa i takon honorarëve për pjesëmarrje në komisione, deputetët kanë përfituar në total, 1.061.225 lekë. Pra, përveç pagave të majme që marrin deputetët, benefitet e përmuajshme të tyre nxjerrin nga arka e shtetit rreth 170 milionë lekë në vit për dieta, karburant, qera e telefon.
Deputetët e Tiranës që morën dieta
Xhemal Qefalia, 37,625 lekë
Arben Pëllumbi, 39,506 lekë
Klotilda Bushka, 39,506 lekë
Mimi Kodheli, 39,506 lekë
Emonela Felaj, 45,026 lekë
Dashamir Shehi, 37,625 lekë
Belind Këlliçi, 37,625 lekë
Albana Vokshi, 37,625 lekë
Vangjel Dule 75,250 lekë
Shpëtim Idrizi 37,625 lekë
Mesila Doda, 39,506 lekë
Etjen Xhafaj, 37,625 lekë
Jorida Tabaku, 39,506 lekë
Flamur Noka, 37,625 lekë
Orlando Rakipi, 37,625 lekë
Orjola Pampuri, 37,625 lekë
Petrit Vasili, 37,625 lekë
Erisa Xhixho, 37,625 lekë
Gertjan Deda, 37,625 lekë
Fatmir Mediu, 39,506 lekë
Eduart Shalsi, 39,506 lekë
Emrat që refuzuan dietat
Taulant Balla
Rrahman Rraja
Vullnet Sinaj
Fatmir Xhafa
Lindita Nikolla
Damian Gjiknuri
Bujar Leskaj
Luan Baci
Luljeta Bozo
Agron Çela
Flutura Açka
Laert Duraj
Toni Gogu
Lulzim Basha
Grida Duma
Agron Shehaj
Sali Berisha
Kasëm Mahmutaj
Fation Veizaj
Oerd Bylykbashi
Etilda Gjonaj
Pandeli Majko
Deputetët që marrin rimbursim qeraje
Antoneta Dhima
Ilirjan Pendavinji
Lindita Buxheli
Nustret Avdulla
Besion Ajazi
Enslemvera Zake
Sorina Koti
Baftjar Zeqaj
Gledis Çeliku
Meri Markiçi
Kasëm Mahmutaj
Eralda Bano
Greta Bardeli
Niko Kuri
Pranvera Resulaj
Hatixhe Konomi
Mirela Pitushi