Kryetari i Partisë së Lirisë, Ilir Meta ka reaguar ashpër pas vendimit të qeverisë që të lejë kryeqendrën e veriut pa gjykata.
Sipas Metës ky është një vendim i qëllimshëm që ka si synim diskriminimin e Shkodrës.
Meta ka kërkuar që qytetarët me 14 maj t’i japin përgjigjen e merituar qeverisë duke e ndëshkuar me votë.
Postimi i Metës:
Lënia e Shkodrës pa gjykata është një marrëzi e qëllimshme e “Rilindjes”.
Sot në Shkodër qytetarët vuajnë mungesën e drejtësisë, punësimit dhe zhvillimit nga kjo bandë që është armike e interesit publik.
Ndaj më 14 Maj, në Shkodër dhe kudo në të gjithë Shqipërinë, ndëshkimi me votë për këtë bandë është i pashmangshëm.