Ish-deputeti i Partisë Demokratike, Genc Pollo, ka reaguar sot për idenë e kryeministrit Edi Rama për legalizimin e kanabisit për përdorim mjekësor.
Në lidhje direkt me emisionin “Open” në Top Channel, ndërsa po diskutohej për këtë temë, Pollo tha se ishte kundër dhe shtoi se do të rikthehet kanabizimi i vendit.
“Unë jam kundër sepse ne jemi një vend që kemi një eksperiencë me kanabizimin e vendit. Në vitin 2016 vendi u kanabizua. Shqipëria ka sot të njëjtin kryeministër dhe ka ministër të Brendshëm personin që në 2016 ishte këshilltar i kryeministrit dhe nuk ka thënë ndonjë gjë për kanabizimin e vendit. Nuk do të shitet vaj kanabisi që shitet për mjekësi, por do të shiten gjethe kanabisi, që njihet si trafikim droge”, tha Pollo.
