“Kush gënjen?”/ Rama sjell një tjetër zë përballë pretendimit të opozitës

333
Kryeministri Edi Rama ka shtuar për të disatën herë pyetjen “Kush gënjen”, duke i kundërvënë zërin e ndërkombëtarëve deklaratave të kryedemokratit Basha. Në mënyrë të vazhduar kreu i PD ka shprehur nga çadra e protestës së gëzojnë mbështetjen e SHBA dhe Europës për kërkesat e protestuesve dhe për qeveri teknike.
Prej ditës së djeshme, kryeministri Rama ka përsëritur pyetjen “Kush gënjen”, duke u kursyer me fjalët, por duke bashkangjitur deklarata nga ndërkombëtarët.

POSTIMI I PLOTE
KUSH GËNJEN? (4)
Ambasadori i OSBE, Bernd Borchardt:

“Besoj fuqimisht që shqiptarët meritojnë zgjedhje të lira dhe të ndershme, në kohë dhe me përfaqësimin e duhur të të gjitha partive. OSCE/ODIHR-i po përgatit një mision shumë të plotë për vëzhgimin e zgjedhjeve. Nëse partitë duan që zgjedhjet të bazohen te një ligj më i mirë zgjedhor – atëherë ato duhet të gjejnë konsensus për përmirësimet. I kemi nxitur prej më shumë se një viti që ta bëjnë këtë gjë. Kemi bërë shumë rekomandime për përmirësime. Mënyra për të ecur para duhet të jetë dialogu për përmirësimet e Kodit Zgjedhor dhe jo kërcënimet për një bojkot të zgjedhjeve; një bojkot vetëm sa do të dëmtonte vendin dhe ata që e fillojnë atë.

Kërcënimet për të ndërprerë procesin e rregullt demokratik do të ishin shumë të papërgjegjshme; janë shumë të paktë ata shqiptarë që mund të duan që vendi të shkojë 20 vite pas. Thirrjet për dhunë janë një territor ku nuk duhet shkelur absolutisht.”

“Ajo që ka ndryshuar sot është që politika dhe shoqëria diskutojnë për kanabisin, dhe që nga viti 2014, policia po e lufton në mënyrë shumë më intensive. Ky është një zhvillim pozitiv. Plantacionet e Lazaratit u shkatërruan në vitin 2014. Vitin e kaluar policia shkatërroi 2,5 milionë bimë kanabis.

Ky është sukses – këto bimë do të kishin prodhuar sasi tejet të mëdha marijuane. Por kapjet e vazhdueshme të marijuanës dhe hashashit tregojnë që problemi nuk është zgjidhur. Qeveria ka hartuar një plan veprimi për të luftuar kanabisin, Prezenca e OSBE-së ishte e ftuar për të kontribuuar në këtë plan dhe e dha kontributin e saj. Ne e nxitim qeverinë që të zbatojë këtë plan veprimi me energji.”
Sigal