Ish-kryenegociatori i Edi Ramës për bisedimet me Bashkimin Europian rrëzon propagandën e kryeministrit për integrimin. Zef Mazi deklaroi se fushata e Edi Ramës për integrim të shpejtë në BE është një iluzion.
Qeveria e Ramës ka reklamuar hapjen e 16 nga 35 kapitujve negociues që nga viti 2022, por ish-diplomati Zef Mazi, kryenegociatori i Shqipërisë me BE-në në vitet 2020-2022, u shpreh se hapja e kapitujve nuk është e njëjta gjë me mbylljen e tyre. Shqipëria deri më tani nuk ka mbyllur asnjë. ‘Mali i Zi kishte hapur 32 kapituj në vitin 2012, 13 vjet më vonë, në vitin 2025, Mali i Zi ka qenë në gjendje të mbyllë vetëm pesë kapituj, nëse nuk gabohem’, u shpreh Mazi në një intervistë.
Ai po ashtu rrëzoi propagandën e Ramës se integrimi është çështje e një partie. ‘Integrimi në BE nuk është çështje partie, por çështje vendi. Kur një vend bëhet shtet anëtar, në tabelën e emrit nuk shkruhet ‘Partia Socialiste’ ose ‘Partia Demokratike’, por emri i vendit.
Pjesa tjetër është PR dhe fushatë. Ka shumë pompozitet politik kur hapet një grup kapitujsh, Edi Rama nuk ngurron ta përdorë atë.
Ai madje shkon personalisht në Bruksel për një ngjarje që nuk kërkon ceremoni, por është thjesht pjesë e një procesi normal. Reklamohet për PR dhe konsum politik të brendshëm dhe kapital më shumë sesa kuptohet se çfarë do të thotë në të vërtetë’ deklaroi Mazi.
