Ish-deputeti: Nga frika e protestës, Rama ka urdhëruar bllokimin e rrugës drejt Tiranës

31

Ish-deputeti i Partisë Demokratike, Luçiano Boçi në një postim në facebook, teksa ka publikuar edhe foto shkruan se Rama nga frika e protestës ka urdhëruar ministrin e Brendshëm, Sandër Lleshaj që të bllokojnë rrugën nga Elbasani drejt Tiranës, rrethrrotullimin e Bradasheshit.

Boçi thotë se forcat Shqiponja dhe ato rrugore po kthejnë mbrapsht të gjithë personat jo rezidentë të Tiranës, pavarësisht se janë pajisur me leje.

“Teatri është varr i hapur dhe pret kufomën e tij politike”, shkruan ndër të tjera Boçi.

Reagimi i plotë:

FRIKA E RAMËS, BLLOKON RRUGËN E TIRANËS

Rama ka urdhëruar shegertin e tij të Ministrisë së Brendshme të bllokojë përsëri rrugën në rrethrrotullimin e Bradasheshit.

Rama përtej cubizmit televiziv, e di mirë që protesta po e zhbjerr dhe rrëzon atë dita-ditës.

Teatri është varr i hapur dhe pret kufomën e tij politike.

Forcat shqiponja dhe ato rrugore kthejnë mbrapsht të gjithë personat jo rezidentë të Tiranës, pavarësisht se janë pajisur me leje.

Dje Lleshi bërtiste se policia e Ramës dhe e tij zbatonte ligjin dhe kur merrte zvarrë protestuesit, gra e fëmijë.

Po sot cilin ligj po zbaton policia z. Lleshi?!

Po dje që nuk kishte protestë, pse nuk kishte pengesë policore?!

Askush nga policët e shefat e tyre nuk disponon një urdhër shkresor.

Thjesht i kanë thënë në telefon ose FCB.

Këtu është katandisur ligji e shteti.

Por çfarëdo të bëje Rama dhe shegerti i tij i vogël, fundi tashmë është volusor.

Protestat e qytetarëve nuk ndalen.

Ne jemi krah tyre!