Ish kryeministri, Sali Berisha ka votuar për zgjedhjen e strukturave drejtuese të PD, ku bëjnë pjesë nënkryetarë dhe sekretarët me në krye sekretarin e përgjithshëm.
Në nisjen e mbledhjes së Këshillit Kombëtar, u mbajt një minutë heshtje për ish presidentin Bujar Nishani i cili ndërroi jetë në 28 maj. Nishanit gjithashtu ju dha titulli “kryetar nderi” i Këshillit Kombëtar.
Gjatë mbledhjes para nisjes së votimit, e mori fjalën ish deputeti Myslym Murrizi i cili kritikoi përbërjen e kryesisë së PD duke argumentuar se bënin pjesë persona të cilët nuk kishin asnjë lloj peshe në elektorat dhe nuk kishin kontribute.
