Në këtë fillim viti akademik, dua t’u uroj suksese studentëve dhe kolegëve të mi pedagogë. Një urim i veçantë për mijëra maturantë që ulen sot për herë të parë në auditorë.
Largimi masiv i të rinjve vijon të jetë edhe këtë vit plaga nga e cila lëngojnë universitetet e vendit.
Numri i studentëve të rinj sa vjen e tkurret, duke bërë që në pjesën dërrmuese të fakulteteve ata të jenë më pak se kapacitetet universitare.
Degë që më parë kanë pasur dhjetëra dhe qindra kuota studimi, sot i numërojnë studentët e rinj me gishtat e njërës dorë.
Në krahasim me vitin e kaluar, janë 20% më pak studentë të regjistruar në raundin e parë të studimeve në ciklin bachelor.
Në vitin 2024 ishin 19 mijë të regjistruar Në vitin 2025 janë 16 mijë të regjistruar
Pra, 3 mijë studentë më pak! Në vitin 2016, Shqipëria kishte 117 mijë studentë Në vitin 2024, numri ka rënë në 86 900 Kemi humbur 30 100 studentë! Vetëm Universiteti i Tiranës ka humbur 6 000 studentë!Ndërsa universitetet boshatisen, problemet e arsimit të lartë vetëm thellohen:
Degët e mësuesisë po braktisen, rrezikojmë që në 3-4 vite të mbetemi pa mësues Studentët përballen me dyfishimin e kostos së jetesës Kërkimi shkencor nuk financohet Pedagogët janë të keqpaguar Nuk ka harmonizim mes universiteteve dhe tregut të punësPrej vitesh, Ministria e Arsimit nuk u ofron dot të rinjve një alternativë reale kundër largimit nga vendi. Sepse për këtë qeveri, arsimi dhe të rinjtë nuk kanë qenë kurrë prioritet!
