Endrit Braimllari: Sulmet dhe presioni ndaj administratës, prej frikës së Ramës dhe Bashës për rritjen e LSI-së

576
Sekretari i Përgjithshëm i LSI-së, Endrit Braiml lari, i ftuar në emisionin “Versus” në televizionin “Report Tv”, ka deklaruar se sulmet dhe shkarkimet masive në administratë janë një shenjë dëshpërimi e PS-së dhe PD-së për situatën katastrofike që kanë në terren në këtë periudhë fushatë. Sipas tij, ky është një presion i qartë ndaj drejtuesve të LSI-së. “Mendojnë se me këtë presion mund të trembin drejtuesit e LSI-së, por harrojnë që forca e LSI-së nuk është thjesht një individ i vetëm, por është forca e ekipit dhe e mijëra të rinjve në mbarë vendin, që e përkrahin pa fund Lëvizjen Socialiste për Integrim, për shkak të kauzave që LSI ka ngritur për rininë. Është politika që LSI ka ndjekur që prej themelimit të saj, një politikë bashkëpunuese, konstruktive pro qytetarëve. Është një frymë pozitive që ekziston në favor të LSI-së, jo vetëm në Tiranë, që është e jashtëzakonshme, por edhe në të gjitha qarqet e Shqipërisë”, tha ndër të tjera z. Braimllari.

Cili është komenti yt në lidhje me këtë sulm frontal shkarkimesh dhe nisje procedimi penal për njerëz të LSI-së, drejtues institucionesh?
Është e qartë që është shenjë dëshpërimi e një situatë që nuk është e favorshme në terren për Partinë Socialiste dhe për Partinë Demokratike. Kjo situatë e pafavorshme në terren ka vënë në lëvizje, për fat të keq shtetërorë, të cilët kërkojnë të krijojnë një situatë të tillë për t’i ushtruar presion drejtuesve të LSI-së në institucione të ndryshme. Ky rasti i sotëm me z. Elez Gjoza është një hakmarrje e qartë ndaj z. Gjoza që është drejtues i Njësisë Administrative nr. 2, pasi vetëm një ditë më parë ka pasur një takim të jashtëzakonshëm në këtë zonë dhe ish-ministri i Brendshëm, i cili për fatin tonë të keq e çoi Shqipërinë prapa me kanabisin, dhe i shkatërroi ëndrrën mijëra të rinjve dhe të rejave, kishte një takim me 50 veta. Takimi i LSI-së ka qenë spektakolar, ku zonja të nderuara të shumta merrnin pjesë dhe nga ana tjetër ka qenë dështim total i kësaj partisë tjetër. Dhe kjo revoltë e PS bëri që sot të kishim këtë situatë.Unë shpreh keqardhjen për këtë situatë, pasi është gjëja më e turpshme që mund të ndodhë në një vend. Ky është një presion i qartë ndaj drejtuesve të LSI-së. Mendojnë se me këtë presion mund të trembin drejtuesit e LSIsë por harrojnë që forca e LSI-së nuk është thjesht një individ i vetëm por është forca e ekipit dhe e mijëra të rinjve në mbarë vendin që e përkrahin pa fund Lëvizjen Socialiste për Integrim për shkak të kauzave që LSI ka ngritur për rininë. Është politika që LSI ka ndjekur që prej themelimit të saj, një politikë bashkëpunuese, konstruktive, pro qytetarëve. Është një frymë pozitive që ekziston në favor të LSI-së, jo vetëm në Tiranë që është e jashtëzakonshme por edhe në të gjitha qarqet e Shqipërisë. Ndaj ata janë totalisht të tmerruar nga situata në terren, janë totalisht të tmerruar nga situata e LSI-së dhe krijojnë këto situata që tentojnë t’i hedhin hi syve opinionit publik. Kjo gjë nuk na tremb, nuk na tremb për një arsye shumë të thjeshtë, sepse jemi më të vendosur se kurrë të fokusuar te qytetari, të fokusuar te politika e drejtpërdrejtë e LSI-së. Unë me keqardhje shoh që kjo fushatë për të dyja forcat e tjera nuk ka program politik. Del kryeministri aktual në takime dhe tregon barsoleta? Përse e bënë këtë? Për të tërhequr vëmendjen nga kaosi që ka krijuar për të tërhequr vë- mendjen nga mungesa e një programi. Nuk ka një program real për rininë, për bujqësinë, për hapjen e vendeve të reja të punës. Nuk ka një program real sa i përket 25 qershorit dhe mandatit që vjen dhe në mungesë të atij programi tregon barsoleta, tregon histori me timon a thua se gjëja që shqetëson më shumë shqiptarët është se kush do të ketë timonin dhe jo përgjegjësitë që duhet të marrë për drejtimin e vendit. Pra kemi të bëjmë me njerëz të papërgjegjshëm me njerëz jo seriozë, që po shkatërrojnë ëndrrat e mirë e mijëra të rinjve anembanë vendit dhe po e çojnë Shqipërinë në një drejtim të gabuar. Por LSI nuk ka për ta lejuar këtë gjë, sepse mbështetja dhe përkrahja jonë është e jashtëzakonshme, jo vetëm në përkrahjen me votë që LSI-a ka kudo, por është e jashtëzakonshme për shkak të politikëbërjes dhe të qëndrimeve korrekte. LSIa karakterizohet nga një besim i jashtëzakonshëm që ka në raport me qytetarët me një politikë transparente, një politikë koherente e cila gjithmonë i ka shërbyer qytetarit. Për fatin tonë, qoftë të keq qoftë të mirë ne i njohim të dyja partitë se si funksionojnë.

Ju keni qenë në pushtet katër vite me PD-në dhe katër vite me PS-në?
Unë nuk jam i ri në LSI, kam 12 vite që aderoj në këtë forcë politike, e mbaj mend shumë mirë në 2011-n fushatën elektorale për Bashkinë e Tiranës se si kryetari aktual i PD-së ishte i tmerruar për situatën dhe kërkonte gjithmonë mbështetjen dhe përkrahjen e LSI-së për të fituar Bashkinë e Tiranës dhe ne gjithmonë kemi qenë korrekt me koalicionin, kemi qenë korrekt në raport me ekipin që kemi qeverisur vendin, sepse në fund të fundit ajo që qëndron në themelin e LSI-së është korrektesa. Por nga ana tjetër ne shikojmë që kjo situatë që është krijuar ka një tendencë jo vetëm mosmirënjohjeje por një tendencë pabesie. Dhe pabesia nuk është në raport me LSI-së, por është në raport me qytetarët shqiptarë sepse sot asnjë nga këto dy parti nuk kanë në program konkret siç e ka LSI-a që t’u ofrojë qytetarëve. Nuk e ka një program të vërtetë qeverisës dhe në mungesë të këtij programi në mungesë të këtij vizioni për të qeverisur vendin, ato krijojnë skena të tilla, krijojnë histori të tilla që të tërheqin vëmendjen nga fokusi kryesor.

Ju po thoni që nuk i trembeni situatës pasi keni mbështetje te njerëzit?
Ne nuk jemi frikësuar qysh në themelimin e LSI-së, edhe pse ishte një forcë e re në atë kohë. Nuk jemi frikësuar as në 2008-n me ndryshimet e famshme kushtetuese. Nuk jemi frikësuar sepse këtë raport e shikojmë si një marrëdhënie frike. Nuk jemi frikësuar, sepse kemi besuar që kauza jonë ka qenë një kauzë e drejtë, në shërbim të qytetarëve shqiptarë, në shërbim të Shqipërisë për të zhvilluar proceset integruese të vendit. Dhe kështu rezultoi që ndryshimet kushtetuese që u bënë në 2008-n ishin në dëm të zhvillimit të vendit, sepse prodhoi këtë Parlament që po mbyllet në këtë legjislaturë dhe prodhoi këtë kaos në politikë për të cilën u kërkua ndihma e LSI-së për ta zgjidhur. Me LSI-në në këto vite politika shqiptare ka qenë koherente dhe në shërbim të stabilitetit të vendit.

Mbaj mend z. Rama që thoshte që është një aleancë strategjike, por nuk mori përgjigje pozitive nga z. Meta dhe LSI-a, apo jo?
LSI është totalisht e fokusuar në raportin e drejtpërdrejtë me qytetarët. Ajo çka na intereson në këto momente janë qytetarët, raporti i drejtpërdrejtë me ta. Janë ata që do të vendosin pas dy jav- ësh me votën e tyre se kush do ta drejtojë vendin dhe pa diskutim që më 26 qershor në mëngjes do të jemi forcë e parë politike në vend sepse kemi besimin maksimal tek vota e qytetarit më 25 qershor.

Po ta shikoni, sondazhet iu japin deri në 20 deputetë…
Ti mendon nëse sondazhi real në terren do të ishte i tillë dhe këto dy forca politike nuk do të ndryshonin strategji? Po përse goditet LSI-a? Përse ushtrohet presion ndaj saj? Përse këto dy forca kryesore kanë dalë kundër Lëvizjes Socialiste për Integrim? Dhe a e dini përse? Sepse LSI-a është në rritje të pandalshme, sepse ka mbështetjen e padiskutuar të qytetarëve shqiptarë.

A nuk mendoni se është qëllimi i të dy palëve, veçanërisht z. Rama ka qenë bipolarizimi i politikës dhe nuk ia ka dalë dot pa LSI-në…? Ka një frymë edhe në Evropë për të ndërtuar një sistem bipolar politik, sistemin amerikan ose atë britanik, për shembull…

Për të krijuar këtë sistem, jo vetëm duhet të jenë shoqëri shumë të zhvilluara, kërkohen drejtues shumë vizionarë për ta bërë këtë gjë dhe asnjëri prej këtyre të dyve nuk është vizionar për ta bërë këtë gjë. Sepse mungesa e LSI-së në këtë situatë politike është mungesa e demokracisë në vend. LSI-a është garant i demokracisë, i zbatimit të Kushtetutës, por mbi të gjitha i ruajtjes së stabilitetit politik të vendit. Imagjinoni nëse LSI-a nuk do të ishte pjesë e qeverisë në këto katër vite se çfarë arrogance do të ekzistonte

Rama ka thënë që nuk kemi bërë aq shumë sa duhet sepse kemi pasur në prehër parti të vogla…

Këto janë retorika boshe që lëshohen në fushatë. Kam dëgjuar edhe ish-ministrin e Brendshëm që bën moral se si duhet të votojnë shqiptarët kur ndërkohë që është i vetmi që nuk mund të bëjë moral për votën, sepse në këto katër vite mbizotëron hashashi kudo. Mungesa e një boshti politik, mungesa e një kursi në politikëbërje në këto momente për këto dy parti vjen si pasojë e frikës, që ata kanë për rritjen e Lëvizjes Socialiste për Integrim.
Sigal